Yohanes 1:12 - Perjanjian Baru Bahasa Melayu Maluku Utara

¹² Tapi biar bagitu, ada orang yang tarima pa Dia deng percaya pa Dia. Pa dorang itu, Dia kase kuasa supaya dorang jadi Tuhan Allah pe ana-ana.

Yohanes 1:12 ပူးပေါင်းရင်းမြစ်များ

Matius 10:40

Yesus bilang lagi, “Sapa yang tarima pa ngoni yang percaya pa Kita, itu berarti dia so tarima pa Kita. Kong sapa yang tarima pa Kita, dia me so tarima pa Tuhan Allah yang utus pa Kita.

Matius 12:21

Jadi samua suku bangsa akan baharap pa Dia.”

Matius 18:5

Kong sapa yang tarima pa orang biasa-biasa saja sama deng ana kacil ini karna orang itu percaya pa Kita, itu berarti dia so tarima pa Kita.”

Yohanes 1:11

Dia datang pa orang-orang Yahudi yang satu bangsa deng Dia, tapi dorang tara tarima pa Dia.

Yohanes 1:7

Dia datang untuk jadi saksi la kase tau tentang tarang itu, supaya samua orang yang dengar apa yang dia kase tau itu, dorang bole percaya.

Yohanes 11:52

Kong bukang cuma untuk bangsa Yahudi saja, tapi Dia mati untuk samua orang yang mo jadi Tuhan Allah pe umat, supaya dorang di samua bangsa yang tapisa-pisa bole jadi satu.

Yohanes 2:23

Waktu Yesus masi di Yerusalem iko agama Yahudi pe hari raya Paska itu, ada banya orang yang percaya pa Dia, karna dorang lia mujizat-mujizat yang Dia biking.

Yohanes 20:31

Tapi samua yang so tatulis di kitab ini, itu ada tulis supaya ngoni percaya Yesus itu Mesias, Raja yang Tuhan Allah janji mo kase slamat pa manusia, deng Dia itu Anak Allah. Kalu ngoni so percaya pa Dia, ngoni mo dapa hidup deng Dia slama-lamanya.

Yohanes 3:18

Sapa saja yang percaya pa Anak Allah, orang itu tara mo dapa hukum. Tapi sapa saja yang tara percaya pa Anak Allah, Tuhan Allah so kase sadia dia pe hukuman, karna dia tara percaya pa Anak Allah yang cuma satu ini.

Kisah Para Rasul 3:16

Jadi skarang, orang ini yang ngoni so tau dulu dia lumpu, ngoni lia dia so sembu. Dia so sembu karna dia so percaya pa Yesus. Dia sembu bukang karna torang pe kuasa, tapi karna Yesus pe kuasa yang biking dia sembu.

Roma 8:14

Orang-orang yang Tuhan Allah pe Roh pimpin, dorang itu suda Tuhan Allah pe ana-ana.

Roma 8:16

Torang tau, tong ini Tuhan Allah pe ana-ana karna Dia pe Roh yang biking torang yakin pa tong pe hati.

Roma 8:19

Karna itu, samua yang Tuhan Allah so cipta di dunia ini, ada tunggu-tunggu waktu Tuhan Allah mo kase tunju sapa Dia pe ana-ana.

Galatia 3:26

Jadi sudara-sudara, ngoni so jadi Tuhan Allah pe ana-ana karna ngoni so percaya pa Yesus Kristus.

Galatia 4:6

Kong karna torang so jadi Tuhan Allah pe ana-ana, Tuhan Allah so suru pa Dia pe Anak pe Roh tinggal di torang pe hati, kong Roh yang ada di torang pe hati itu bakarja deng biking torang bole pangge pa Tuhan Allah itu, “Papa e, ya Bapa!”

Kolose 2:6

Sudara-sudara, ngoni so tarima pa Kristus Yesus jadi ngoni pe Tuhan, jadi ngoni musti tetap hidup satu hati deng Dia.

2 Petrus 1:4

Kong karna Dia hebat deng hati bae itu, Dia kase pa torang slamat, deng kase banya hal yang laeng lagi yang bagus deng berharga, sama deng yang Dia so janji. Dia kase itu supaya ngoni bisa talapas dari keinginan yang tara bae yang bisa kase rusak manusia pe hidup, deng supaya ngoni pe sifat bisa beruba jadi bae sama deng Dia pe sifat.

1 Yohanes 3:1

Coba ngoni pikir, pe basar skali Tuhan Allah torang pe Bapa pe sayang pa torang, sampe Dia bilang torang ini Dia pe ana-ana! Deng memang torang ini Dia pe ana-ana! Karna itu, orang-orang yang jaga iko dunia pe mau, dorang tara tau torang ini Dia pe ana-ana, barang dorang me tara kanal pa Tuhan Allah.

1 Yohanes 3:10

Torang bisa tau sapa yang jadi Tuhan Allah pe ana-ana deng sapa yang jadi Iblis pe ana-ana. Orang yang tara biking Tuhan Allah pe mau deng tara sayang pa dia pe sudara yang percaya pa Tuhan, dia itu bukang Tuhan Allah pe ana.

1 Yohanes 3:2

Sudara-sudara yang kita sayang, skarang torang ini Tuhan Allah pe ana-ana. Jadi torang tau, nanti waktu Yesus Kristus, Raja yang Tuhan Allah pili itu so datang ulang, torang mo jadi sama deng Dia, barang torang mo lia pa Dia yang sebenarnya. Tapi tentang torang pe hidup nanti bagimana, Dia bolong kase tau samua pa torang.

1 Yohanes 3:23

Tuhan pe parenta itu bagini: torang musti percaya pa Yesus Kristus, Anak Allah, deng torang lagi musti baku sayang, sama deng parenta yang Yesus Kristus so kase pa torang.