Yakobus 5:8 - Perjanjian Baru Bahasa Melayu Maluku Utara

⁸ Bagitu lagi deng ngoni, ngoni musti basabar deng kase kuat ngoni pe hati, karna Tuhan pe waktu mo datang ulang so dekat.

Yakobus 5:8 ပူးပေါင်းရင်းမြစ်များ

Lukas 21:19

Kalu ngoni tetap batahang percaya pa Kita, ngoni dapa hidup deng Tuhan Allah slama-lamanya.”

Yohanes 21:22

Yesus jawab pa Petrus, “Kalu Kita mau dia tetap hidup sampe Kita datang ulang yang kedua kali, itu bukang ngana pe urusan. Tapi ngana, iko suda pa Kita.”

Roma 8:25

Jadi, kalu torang bolong dapa apa yang torang harap, torang musti tunggu deng sabar.

Galatia 5:22

Tapi orang yang Roh Kudus kuasai itu dapa lia dari dorang pe hidup macam bagini: pangsayang, hati sanang, hati tenang, pangsabar, pangbae, biking barang yang bae, setia,

Filipi 4:5

Kong biar suda samua orang bole lia ngoni pe kalakuang yang bae. Inga! So tara lama lagi Tuhan mo datang ulang.

1 Tesalonika 1:10

deng ngoni me tunggu-tunggu Anak Allah yang mo datang ulang dari sorga. Dia itu suda Yesus, yang biar so mati tapi Tuhan Allah so kase hidup ulang pa Dia. Yesus itu suda yang kase slamat pa torang yang percaya pa Dia dari Tuhan Allah pe hukuman nanti.

1 Tesalonika 2:19

Torang mau skali pigi pa ngoni, karna ngoni suda yang dengar Kabar Bae dari torang, sampe ngoni so percaya pa Yesus butul-butul. Ngoni pe percaya itu yang biking sampe torang pe hati sanang deng biking sampe torang bole baharap deng yakin, nanti waktu torang pe Tuhan Yesus datang ulang, torang bole angka muka karna ngoni pe percaya pa Tuhan.

1 Tesalonika 3:13

Torang minta bagitu, supaya nanti waktu torang pe Tuhan Yesus datang ulang sama-sama deng samua orang yang so jadi Dia pe umat, ngoni jadi orang yang pe hati bersi pa Tuhan Allah, torang pe Bapa pe muka, deng Dia tara dapa ngoni pe sala apa-apa.

2 Tesalonika 3:5

Torang minta pa Tuhan supaya Dia bantu pa ngoni untuk lebe mangarti Tuhan Allah pe sayang, deng supaya ngoni bole tahang siksa sama deng dulu waktu Yesus Kristus tahang siksa.

Yakobus 5:3

Ngoni pe mas deng perak so bakarat. Dia bakarat itu jadi bukti ngoni skakar pa orang, jadi Tuhan Allah akan hukum kase ancor ngoni pe badan, sama deng api kase angus rumpu. Ngoni so kumpul harta banya-banya, tapi samua itu akan ilang di hari kiamat.

Yakobus 5:9

Sudara-sudara, jang ngoni mengelu deng baku tudu, supaya ngoni tara dapa hukum. Inga e, Tuhan so mo datang ulang. Dia sama deng hakim yang mo adili pa samua orang.

1 Petrus 4:7

Hari kiamat so dekat. Karna itu, ngoni musti kuasai ngoni pe diri, deng ngoni pe pikiran musti tenang supaya ngoni bisa berdoa.

Wahyu 22:20

Yesus yang so kase tau pa kita tentang samua pasáng itu, Dia bilang bagini, “Butul, so tara lama lagi Kita akan datang!” Karna itu kita bilang, “Amin. Datang suda Tuhan Yesus!”