Yakobus 5:6 - Perjanjian Baru Bahasa Melayu Maluku Utara

⁶ Ngoni so hukum pa orang-orang yang hidup butul pa Tuhan Allah pe muka, mala sampe ngoni bunu pa dorang, tapi dorang tara bisa malawang pa ngoni.

Yakobus 5:6 ပူးပေါင်းရင်းမြစ်များ

Matius 21:38

Tapi waktu orang-orang yang urus kobong itu dapa lia pa tuang kobong itu pe ana, dorang baku bilang bagini, ‘Dia ini suda yang nanti jadi waris untuk kobong ini. Jadi, mari suda torang bunu pa dia, la kobong ini mo jadi torang punya.’

Matius 27:20

Tapi imam-imam kapala deng tua-tua Yahudi pengaru pa orang banya itu supaya minta gubernur kase bebas pa Barabas, kong kase hukuman mati pa Yesus.

Matius 5:39

Tapi Kita mo bilang pa ngoni e, kalu ada orang biking barang yang jahat pa ngoni, ngoni tara bole balas deng yang jahat pa dia. Mala, kalu ada orang yang tampeleng ngoni pe pipi kanan, ngoni kase lagi ngoni pe pipi kiri.

Kisah Para Rasul 22:14

Abis itu, Ananias bilang pa kita bagini, ‘Tuhan Allah yang torang orang Yahudi pe orang tua dulu-dulu jaga semba, Dia itu so pili pa ngana supaya ngana tau Dia pe mau. Dia me pili pa ngana supaya ngana lia pa Orang yang Butul itu, deng supaya ngana dengar Dia pe suara.

Kisah Para Rasul 7:52

Coba ngoni bilang, nabi mana yang ngoni pe orang tua dulu-dulu tara perna siksa? Mala dorang bunu pa nabi-nabi yang kase tau Yesus, Orang yang butul itu mo datang. Kong ngoni me sama saja deng dorang. Ngoni tau Dia so datang, tapi ngoni bahianat deng bunu pa Dia.

Kisah Para Rasul 8:32

Yang pejabat itu baca di Kitab Suci, dia babunyi bagini, “Orang-orang bawa pa Dia sama deng dorang ada bawa domba la mo potong. Sama deng domba yang orang gunting dia pe bulu-bulu, Dia cuma babadiam, tara bicara apa-apa.

Ibrani 10:38

Tapi Kita pe umat yang hidup butul pa Tuhan Allah pe muka, dorang itu hidup cuma bagantong deng dorang pe percaya pa Kita. Tapi kalu ada dari dorang yang so tara mau percaya lagi, Kita tara akan sanang deng dia.”

Yakobus 2:6

Tapi deng ngoni pili-pili orang bagitu, ngoni itu so hina pa orang-orang miskin. Padahal orang-orang kaya itu suda yang biking sengsara pa ngoni kong bawa di pengadilan untuk kase sala pa ngoni.

Yakobus 4:2

Ngoni suka satu barang tapi tara dapa itu, jadi ngoni bunu orang. Ngoni mangiri karna ngoni tara dapa apa yang ngoni suka. Kong ngoni baku malawang deng bakalae. Ngoni tara dapa apa-apa, barang ngoni tara berdoa minta pa Tuhan.

1 Petrus 4:18

Di Kitab Suci ada tatulis bagini, “Kalu orang yang hidup butul pa Tuhan Allah pe muka saja amper-amper tara dapa slamat, bagimana lagi deng orang-orang yang tara iko pa Tuhan Allah deng orang-orang yang jaga biking dosa, pasti dong tara slamat, to?”