Yakobus 5:3 - Perjanjian Baru Bahasa Melayu Maluku Utara

³ Ngoni pe mas deng perak so bakarat. Dia bakarat itu jadi bukti ngoni skakar pa orang, jadi Tuhan Allah akan hukum kase ancor ngoni pe badan, sama deng api kase angus rumpu. Ngoni so kumpul harta banya-banya, tapi samua itu akan ilang di hari kiamat.

Yakobus 5:3 ပူးပေါင်းရင်းမြစ်များ

Kisah Para Rasul 2:17

Tuhan Allah bilang, ‘Di waktu so dekat-dekat ahir jaman, Kita mo kase Kita pe Roh pa samua orang. Ngoni pe ana laki-laki deng parampuang akan kase tau pa orang-orang pasáng yang dorang dengar langsung dari Kita. Ngoni pe ana-ana muda mo dapa penglihatan-penglihatan, deng orang-orang tua me mo dapa mimpi dari Kita.

Roma 2:5

Tapi ngoni ini kapala batu, ngoni tara mau bertobat. Karna itu, ngoni sandiri yang biking ngoni pe hukuman lebe tamba barát di hari kiamat. Di waktu itu, Tuhan Allah mo kase tunju Dia pe mara deng mo kase hukuman yang adil pa samua orang.

2 Timotius 2:17

Dorang pe carita yang tara butul itu tasiar deng bahaya skali sama deng panyake kangker yang biking rusak orang pe badan. Orang-orang yang bacarita itu termasuk Himeneus deng Filetus.

2 Petrus 3:3

Ini yang paling penting yang ngoni musti tau, kalu so mo kiamat, nanti ada banya orang yang suka bahina torang pe percaya, barang dorang hidup cuma iko dong pe keinginan yang jahat.

Wahyu 17:16

Raja spulu yang ngana so lia sama deng tandu spulu itu, deng lagi binatang jahat itu akan binci pa parampuang tara bae itu. Dorang akan rampas samua yang parampuang itu punya kong kase talanjang pa dia. Nanti dong akan makang dia pe badan, kong bakar pa dia di api.

Wahyu 20:15

Tiap orang yang dia pe nama tara tatulis di buku kehidupan itu, dia dapa lempar di dalam api yang luas skali itu.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”