Yakobus 5:16 - Perjanjian Baru Bahasa Melayu Maluku Utara

¹⁶ Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

Yakobus 5:16 ပူးပေါင်းရင်းမြစ်များ

Matius 21:22

Deng, kalu ngoni berdoa pa Tuhan, apa saja yang ngoni minta, pasti Dia mo kase, asal ngoni butul-butul percaya.”

Matius 3:6

Dorang mangaku dong pe dosa-dosa, turus Yohanes baptis pa dorang di kali Yordan.

Markus 1:5

Kong banya skali orang dari kota Yerusalem deng samua tampa laeng di daera Yudea datang pa Yohanes. Dorang mangaku dong pe dosa, turus Yohanes baptis pa dorang di kali Yordan.

Lukas 9:6

Abis itu, Yesus pe murit-murit bajalang bakuliling di kampong-kampong untuk kase tau Kabar Bae dari Tuhan Allah deng kase sembu orang-orang saki di mana-mana.

Yohanes 9:31

Torang tau, Tuhan Allah tara dengar orang berdosa pe doa, tapi Dia cuma dengar pa sapa saja yang hormati pa Dia, deng yang hidup biking apa yang Dia mau.

Kisah Para Rasul 10:38

Tuhan Allah pili pa Yesus dari Nazaret kong kase Dia pe Roh Kudus deng kase Dia pe kuasa. Abis itu, Yesus bajalang bakuliling kong biking banya barang yang bae, deng kase sembu pa orang-orang yang Iblis kuasai, barang Tuhan Allah ada sama-sama deng Dia.

Kisah Para Rasul 19:18

Banya orang dari dorang yang so jadi percaya itu datang mangaku di orang banya pe muka, kalakuang-kalakuang jahat yang dorang perna biking.

Kisah Para Rasul 8:24

Pe dengar bagitu, Simon bilang pa dorang, “Bapa-bapa, kase berdoa suda pa kita, supaya apa yang ngoni bilang itu tara jadi pa kita.”

Roma 3:10

Sama deng yang tatulis di Kitab Suci bagini, “Tarada orang yang butul pa Tuhan Allah pe muka, biar cuma satu lagi.

Roma 5:19

Karna Adam tara iko Tuhan Allah pe mau, itu biking samua orang berdosa. Tapi karna Yesus Kristus iko Tuhan Allah pe mau, itu biking samua orang bole jadi orang yang tara sala pa Tuhan Allah pe muka.

Kolose 1:9

Jadi, mulai dari torang dengar tentang ngoni pe percaya itu, torang tara berenti-berenti berdoa untuk ngoni. Torang minta pa Tuhan Allah, supaya Dia pe Roh Kudus buka ngoni pe pikiran deng biking ngoni lebe mangarti tentang Tuhan Allah, supaya ngoni butul-butul tau Dia pe mau.

1 Tesalonika 5:17

Ngoni musti salalu berdoa.

1 Tesalonika 5:23

Tuhan Allah yang biking torang pe hati tetap tenang, jadi torang minta supaya Dia biking ngoni jadi Dia pe umat sandiri yang hidup deng hati bersi. Torang minta supaya Dia jaga ngoni pe badan, hati deng jiwa, supaya ngoni tarada sala apa-apa waktu torang pe Tuhan Yesus Kristus datang ulang.

1 Tesalonika 5:25

Sudara-sudara yang percaya, torang minta ngoni kase berdoa pa torang.

Ibrani 11:4

Kong karna Habel percaya pa Tuhan Allah, jadi dia kase binatang korban persembahan pa Tuhan Allah iko apa yang Tuhan Allah suru, tara sama deng dia pe kaka Kain. Deng karna Habel pe percaya itu, Tuhan Allah tarima deng hati sanang Habel pe persembahan itu, deng bilang, Habel itu so tara sala pa Tuhan Allah pe muka. Jadi biar Habel so mati, dia pe percaya itu jadi conto pa torang. Itu sama saja deng dia masi hidup kong bicara untuk ajar pa torang.

Ibrani 11:7

Nuh me percaya pa Tuhan Allah, jadi Tuhan Allah kase tau pa dia akan ada banjir basar. Biar Nuh bolong perna lia macam bagitu, tapi Nuh dengar-dengaran pa Tuhan Allah, jadi dia biking kapal satu yang basar skali untuk kase slamat pa dia deng dia pe keluarga. Kong karna Nuh biking kapal itu, itu jadi tanda dia percaya apa yang Tuhan Allah bilang. Jadi jelas, orang-orang yang tara dengar-dengaran pa Tuhan Allah pantas dapa hukum dari Tuhan Allah. Deng karna Nuh pe percaya itu, dia bole dapa apa yang Tuhan Allah janji, kong Tuhan Allah biking dia jadi orang yang tara sala pa Tuhan Allah pe muka.

Ibrani 12:13

Kong hidup iko turus pa Tuhan Allah saja supaya orang laeng yang kurang percaya pa Tuhan Allah bole iko ngoni pe conto itu, turus dorang me jadi percaya kuat pa Tuhan Allah. Itu bole kase sama deng ngoni bajalang di jalang yang lurus supaya orang yang pe kaki tempang mo iko pa ngoni la jang dong bajalang tasala lagi tapi bisa bajalang bae-bae.

Ibrani 13:18

Ngoni kase berdoa turus pa torang. Barang, torang yakin torang pe hati bersi deng torang mau biking apa yang butul turus dalam samua hal.

1 Petrus 2:24

Dia sandiri yang tanggung torang pe dosa waktu Dia mati di kayu salib, supaya torang bole bebas dari dosa pe kuasa, kong torang bole hidup untuk biking barang yang butul pa Tuhan Allah pe muka. Kong karna Dia pe luka-luka itu, torang jadi bae.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.