Yakobus 5:11 - Perjanjian Baru Bahasa Melayu Maluku Utara

¹¹ Inga e, orang-orang yang batahang mangada susa, torang bilang dorang itu yang paling sanang suda. Ngoni so dengar tentang Ayub, to? Dia dapa susa macam-macam tapi dia batahang kong iko turus pa Tuhan. Dia pe ahir kabawa, Tuhan Allah kase berkat pa dia. Tuhan Allah biking bagitu, karna Dia pangsayang skali deng rasa kasiang skali pa samua orang.

Yakobus 5:11 ပူးပေါင်းရင်းမြစ်များ

Matius 10:22

Kong samua orang akan binci pa ngoni karna ngoni iko pa Kita. Tapi orang yang tetap percaya pa Kita sampe dia pe ahir hidup, dia itu yang Tuhan Allah mo kase slamat.

Lukas 1:50

Tuhan Allah kase tunju Dia pe rasa kasiang pa orang yang tako pa Dia, dari turunan yang satu sampe turunan yang laeng.

Lukas 11:10

Karna tiap orang yang minta pa Tuhan Allah, dia akan dapa. Tiap orang yang cari dia pe perlu pa Tuhan Allah, dia akan dapa. Deng tiap orang yang toki Tuhan Allah pe pintu, Tuhan Allah akan buka pintu untuk tolong pa dia.

Lukas 6:36

Ngoni musti kase tunju rasa kasiang pa orang-orang, sama deng torang pe Bapa di sorga yang kase tunju Dia pe rasa kasiang pa samua orang.”

Roma 2:4

Ngoni so tau Tuhan Allah pe hati itu bae skali, Dia itu sabar deng Dia pe sayang itu tara abis-abis. Tapi jang ngoni pandang enteng kong bilang kata, ngoni so butul jadi tara usa suda ngoni bertobat. Pasti ngoni so tau, Tuhan Allah pe sabar deng pe bae pa ngoni itu ada dia pe maksut, Dia mau supaya ngoni bertobat.

Efesus 1:6

Jadi mari suda, torang puji pa Tuhan Allah karna Dia so kase Dia pe bae yang hebat itu pa torang. Dia kase Dia pe bae itu karna torang so percaya pa Yesus Kristus yang Dia sayang.

Efesus 2:4

Tapi Tuhan Allah pe rasa kasiang pa torang itu basar skali. Karna itu, Dia sayang skali pa torang.

Ibrani 10:39

Tapi sudara-sudara, torang samua tara bagitu. Torang ini bukang orang-orang yang so kase tinggal torang pe percaya kong tapisa deng Tuhan Allah sampe slama-lamanya, tapi torang samua ini orang-orang yang percaya deng yang dapa slamat.

Ibrani 3:14

Barang, kalu torang tetap pegang turus apa yang torang so percaya dari pertama sampe waktu dunia ini kiamat, torang akan dapa bagian dari samua yang ada pa Yesus Kristus.

Ibrani 3:6

Tapi Yesus Kristus lebe berkuasa dari nabi Musa. Barang, Yesus Kristus itu Anak Allah yang setia pa Tuhan Allah pe umat, sama deng ana satu yang berkuasa pa samua dia pe papa pe ruma. Kong torang ini sama deng Tuhan Allah pe ruma sandiri, asal torang bapegang kuat deng tong pe percaya, deng torang yakin torang akan dapa apa yang Tuhan Allah so janji mo kase pa torang. Itu yang biking torang pe hati sanang.

Yakobus 1:12

Orang yang dapa cobaan kong batahang deng tetap percaya pa Tuhan, dia itu orang yang paling sanang. Karna kalu dia berhasil lolos dari samua cobaan itu, dia mo dapa hadia. Hadia itu, hidup deng Tuhan Allah slama-lamanya. Itu yang Tuhan Allah so janji mo kase pa orang-orang yang sayang pa Dia.

Yakobus 1:2

Sudara-sudara, kalu ngoni dapa cobaan apa saja, ngoni musti tarima deng sanang hati.

1 Petrus 1:13

Jadi karna ngoni so tau Kabar Bae itu, ngoni musti siap biking hal-hal yang bae, ngoni musti kuasai ngoni pe diri, deng ngoni musti baharap deng yakin Tuhan akan kase Dia pe bae pa ngoni waktu Yesus Kristus datang ulang.

1 Petrus 3:14

Tapi biar lagi ngoni musti menderita karna biking barang yang butul, ngoni itu akan paling sanang. Karna itu, tara perlu ngoni tako pa sapa-sapa, deng jang ngoni hawater suda.

2 Petrus 2:9

Jadi, conto-conto itu biking jelas, Tuhan Allah pasti kase slamat Dia pe umat dari dorang pe sengsara. Dia me akan tahang orang-orang yang tara biking Dia pe mau, kong nanti di hari kiamat, Dia mo hukum pa dorang itu.