Yakobus 4:7 - Perjanjian Baru Bahasa Melayu Maluku Utara

⁷ Jadi serakan suda ngoni pe diri pa Tuhan Allah kong iko pa Dia. Ngoni lawan suda pa Iblis, setang-setang pe raja supaya dia akan lari dari ngoni.

Yakobus 4:7 ပူးပေါင်းရင်းမြစ်များ

Matius 11:29

Dengar kong iko suda Kita pe parenta, sama deng sapi yang ada kase pake tali kong iko dia pe tuang pe parenta. Balajar suda dari Kita karna Kita ini bae-bae deng tara sombong, kong ngoni pe hati akan jadi tenang.

Kisah Para Rasul 26:19

Jadi raja Agripa, mulai dari Tuhan Yesus kase tunju Dia pe diri pa kita, kita tara perna malawang yang Dia parenta pa kita.

Kisah Para Rasul 9:6

Tapi skarang, badiri suda kong maso di kota. Di sana baru ada yang kase tau pa ngana, apa yang musti ngana biking.”

Roma 10:3

Dorang tara tau dia pe cara supaya Tuhan Allah biking dorang itu jadi orang yang tara sala pa Dia pe muka. Dorang berusaha iko dorang pe cara sandiri. Dorang pikir kata, kalu dorang iko aturan-aturan di lima kitab Musa, dorang sandiri bisa jadi orang yang butul pa Tuhan Allah pe muka. Karna itu, dorang tara mau iko Tuhan Allah pe jalang la jadi orang yang tara sala pa Tuhan Allah pe muka.

Roma 14:11

Sama deng ada tatulis di Kitab Suci bagini, “Kita Tuhan Allah, Kita butul-butul hidup, deng Kita bilang ini butul-butul mo jadi, samua orang nanti mo berlutut kong semba di Kita pe muka, deng samua orang mo mangaku deng dong pe mulu, Kita ini Tuhan Allah.”

Efesus 4:27

supaya jang Iblis, setang-setang pe raja dapa kesempatan pengaru pa ngoni untuk biking dosa.

Efesus 5:21

Ngoni musti hidup baku-baku dengar satu deng yang laeng. Kalu ngoni biking bagitu, ngoni so hormati pa Yesus Kristus.

Efesus 6:13

Jadi, ngoni pake suda apa saja yang Tuhan Allah so kase pa ngoni, sama deng ngoni pake alat prang lengkap, supaya ngoni bole batahang waktu ngoni lawan kuasa jahat yang mo serang pa ngoni. Kong kalu ngoni so abis lawan pa kuasa jahat itu, ngoni pe percaya tetap kuat.

Ibrani 12:9

Memang torang pe papa di dunia jaga togor pa torang, kong torang hormati pa dia. Apalagi waktu torang pe Bapa di sorga togor pa torang, torang musti lebe hormati deng dengar-dengaran pa Dia, supaya torang bole dapa hidup deng Tuhan Allah slama-lamanya.

1 Petrus 2:13

Ngoni so iko pa Tuhan, jadi ngoni musti dengar-dengaran pa samua orang yang berkuasa di dunia ini. Ngoni musti dengar-dengaran pa raja basar Roma yang pe kuasa paling tinggi,

1 Petrus 5:6

Karna itu, ngoni musti hidup sama deng orang yang tara arti apa-apa pa Tuhan Allah pe muka. Kalu ngoni biking bagitu, nanti pas di waktu yang Dia so tentukan, Dia yang pe kuasa basar itu mo angka pa ngoni samua la dapa hormat.