Yakobus 4:5 - Perjanjian Baru Bahasa Melayu Maluku Utara

⁵ Jang ngoni kira kata tarada arti deng apa yang tatulis di Kitab Suci ini, “Tuhan Allah pe Roh yang Dia taru di torang pe hati, Roh itu mau torang pe sayang cuma untuk Tuhan Allah saja. Dia cemburu kalu torang iko dunia pe mau.”

Yakobus 4:5 ပူးပေါင်းရင်းမြစ်များ

Yohanes 10:35

Torang tau apa yang tatulis di lima kitab Musa tara bole kase batal, jadi kalu Tuhan Allah sandiri bilang ‘allah’ pa orang-orang yang so tarima Dia pe firman,

Yohanes 19:37

Kong di Kitab Suci lagi ada bilang bagini, “Dorang mo lia pa Dia yang dorang so tikam.”

Yohanes 7:42

Di Kitab Suci ada bilang, nanti Mesias mo datang dari raja Daud pe turunan, kong dari kota kacil Betlehem di daera Yudea, raja Daud pe asal.”

Kisah Para Rasul 7:9

Kong torang pe orang tua dulu-dulu itu mangiri pa Yusuf, padahal dia itu dorang pe ade sandiri. Jadi, dorang jual pa dia pa orang yang bawa pa dia di Mesir. Tapi Tuhan Allah tara perna kase tinggal pa Yusuf.

Roma 1:29

Dorang pe hati ponong deng barang yang tara butul deng barang yang jahat. Dorang golojo samua-samua, cuma pikir yang jahat, mangiri, deng jadi tukang bunu. Kong dorang me jaga baku mara, deng tukang bafoya. Dorang suka orang laeng dapa cilaka deng suka bacarita tara bae tentang orang laeng.

Roma 9:17

Di Kitab Suci ada tulis tentang apa yang Tuhan Allah bilang pa raja Mesir bagini, “Kita angka pa ngana jadi raja, Kita pe maksut supaya waktu ngana malawang pa Kita, Kita bisa kase tunju Kita pe kuasa, sampe samua orang di dunia ini bole puji pa Kita.”

1 Korintus 6:19

Ngoni so tau to, Roh Kudus tinggal dalam ngoni pe diri, jadi ngoni sama deng so jadi Tuhan Allah pe Ruma yang Roh Kudus tinggal. Tuhan Allah yang kase Roh Kudus itu pa ngoni, kong ngoni pe diri itu bukang ngoni punya sandiri, tapi Tuhan Allah punya.

2 Korintus 6:16

Apa ada hubungan antara Tuhan Allah pe Ruma deng manusia pe tampa semba puji-puji? Tara ada hubungan! Torang orang-orang percaya, tong ini sama deng Tuhan Allah pe Ruma, karna Tuhan Allah yang hidup tinggal di torang pe hati. Itu sama deng Tuhan Allah janji dulu, kong skarang so jadi, “Kita mo tinggal sama-sama deng dorang, deng hidup deng dorang, kong Kita mo jadi dorang pe Tuhan Allah, deng dorang mo jadi Kita pe umat.”

Galatia 3:8

Di Kitab Suci, torang bole tau, dari dulu Tuhan Allah so rencana mo biking orang-orang bukang Yahudi itu jadi orang yang tara sala pa Dia pe muka, asal dorang percaya pa Yesus Kristus. Tuhan Allah so kase tau Kabar Bae tentang Yesus Kristus itu lebe kamuka pa Abraham bagini, “Dari ngana, samua suku bangsa di dunia mo dapa berkat.”

Titus 3:3

Barang, dulu waktu torang bolong percaya pa Yesus, torang tara mangarti apa-apa. Jadi torang malawang pa Tuhan, torang me tapengaru deng hal-hal yang jahat. Napsu deng keinginan yang tara bae so kuasai di torang pe hati kong torang hidup baku mangiri deng orang laeng. Torang jahat pa orang deng torang salalu baku binci.