Yakobus 4:3 - Perjanjian Baru Bahasa Melayu Maluku Utara

³ Atau, ngoni memang ada berdoa tapi ngoni pe tujuan itu sala, jadi ngoni tara dapa apa-apa. Barang, yang ngoni minta itu cuma untuk mo kase sanang ngoni pe diri sandiri saja.

Yakobus 4:3 ပူးပေါင်းရင်းမြစ်များ

Matius 20:22

Pe dengar itu, Yesus bilang pa dorang bagini, “Ngoni tara mangarti deng apa yang ngoni minta. Kita ini nanti mo dapa banya sengsara. Apa ngoni bisa pikul penderitaan sama deng Kita?” Kong dorang jawab, “Torang bisa!”

Markus 10:38

Yesus bilang pa dorang bagini, “Ngoni tara mangarti deng apa yang ngoni minta. Kita ini nanti mo dapa banya sengsara. Apa ngoni bisa pikul penderitaan deng sengsara sampe mati sama deng Kita?”

Lukas 11:10

Karna tiap orang yang minta pa Tuhan Allah, dia akan dapa. Tiap orang yang cari dia pe perlu pa Tuhan Allah, dia akan dapa. Deng tiap orang yang toki Tuhan Allah pe pintu, Tuhan Allah akan buka pintu untuk tolong pa dia.

Lukas 15:13

Pe babarapa hari bagini, ana yang bongso itu jual dia pe bagian samua, kong pigi di daera yang jao. Di sana, dia kase halebiru dia pe doi, kong hidup deng kalakuang yang tara butul.

Lukas 15:30

Tapi papa pe ana itu so kase halebiru papa pe doi deng parampuang-parampuang tara bae. Kong skarang waktu dia pulang, papa potong sapi paranggang gumu untuk dia tu!’

Yakobus 4:1

Bikiapa kong ngoni baku malawang deng bakalae? Itu karna di ngoni pe hati ada keinginan-keinginan yang tara bae. Keinginan-keinginan yang tara bae itu baku malawang di ngoni pe hati untuk kontrol ngoni pe diri sampe ngoni biking barang yang jahat.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.

1 Yohanes 5:14

Kong torang tara usa tako badekat pa Tuhan Allah. Barang, torang tau kalu torang minta apa saja iko Dia pe mau, torang bole yakin Dia dengar apa yang torang minta itu.