Yakobus 4:2 - Perjanjian Baru Bahasa Melayu Maluku Utara

² Ngoni suka satu barang tapi tara dapa itu, jadi ngoni bunu orang. Ngoni mangiri karna ngoni tara dapa apa yang ngoni suka. Kong ngoni baku malawang deng bakalae. Ngoni tara dapa apa-apa, barang ngoni tara berdoa minta pa Tuhan.

Yakobus 4:2 ပူးပေါင်းရင်းမြစ်များ

Yohanes 16:24

Dari dulu sampe skarang ngoni bolong minta apa-apa pa Kita pe Bapa pake Kita pe nama. Minta suda apa yang ngoni perlu kong ngoni akan dapa itu, supaya ngoni pe hati mo jadi sanang skali.

Yohanes 4:10

Turus Yesus bilang pa dia, “Kalu ibu tau sapa sebenarnya yang minta minum pa ibu, deng pe bagus apa itu yang Tuhan Allah mo kase pa ibu, pasti ibu yang mo bale minta minum pa Kita kong Kita mo kase aer yang bisa biking manusia hidup.”

Yakobus 1:5

Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.

Yakobus 5:6

Ngoni so hukum pa orang-orang yang hidup butul pa Tuhan Allah pe muka, mala sampe ngoni bunu pa dorang, tapi dorang tara bisa malawang pa ngoni.

1 Yohanes 3:15

Sapa yang binci dia pe sudara yang percaya, dia itu sama deng pangbunu. Kong ngoni tau to, tarada pangbunu yang mo dapa hidup deng Tuhan Allah slama-lamanya.