Yakobus 3:9 - Perjanjian Baru Bahasa Melayu Maluku Utara

⁹ Deng torang pe mulu, torang puji pa Tuhan, torang pe Bapa. Kong deng torang pe mulu lagi, torang kutuk pa manusia, padahal manusia itu Tuhan Allah cipta iko Dia pe rupa.

Yakobus 3:9 ပူးပေါင်းရင်းမြစ်များ

Matius 26:74

Turus Petrus mulai babasumpa, “Demi Tuhan, kita tara kanal pa Dia!” Kong waktu itu suda, langsung ayam bakuku.

Matius 5:44

Tapi Kita mo bilang pa ngoni e, ngoni musti sayang pa ngoni pe musu-musu, deng ngoni musti kase berdoa pa orang-orang yang jaga siksa pa ngoni.

Kisah Para Rasul 2:26

Karna itu, kita pe hati sanang skali, deng kita pe mulu, kita puji-puji pa Tuhan, kong kita pe diri rasa tenang, karna kita baharap turus pa Dia.

Roma 3:14

“Dorang pe mulu jaga momake deng jaga bicara tara bae.”

1 Korintus 11:7

Tapi kalu laki-laki, dia tara perlu pake panutu kapala, karna dia itu Tuhan Allah cipta satu rupa deng Tuhan Allah, kong karna laki-laki itu suda, orang mo puji deng hormat pa Tuhan Allah. Tapi kalu parampuang, dia musti pake panutu kapala, supaya karna dia, orang akan puji pa dia pe laki.

Efesus 1:3

Mari suda torang puji pa Tuhan Allah, torang pe Tuhan Yesus Kristus pe Bapa! Dia so kase sagala berkat rohani dari sorga pa torang, karna torang so percaya pa Yesus Kristus.

Yakobus 1:27

Tapi ibada yang butul yang torang musti biking pa Tuhan Allah, torang pe Bapa pe muka itu, bagini: tolong pa ana-ana yang dong pe orang tua so tarada, tolong pa janda-janda yang susa, deng jaga diri bae-bae la tara tagoda iko dunia pe mau yang jahat.

Yakobus 3:10

Torang pe mulu cuma satu saja, tapi kata-kata yang kaluar, ada yang puji pa Tuhan, deng ada lagi yang kutuk pa manusia. Sudara-sudara, sebenarnya torang tara bole bagitu!

1 Petrus 1:3

Puji suda pa Tuhan Allah, Dia itu torang pe Tuhan Yesus Kristus pe Bapa. Dia pe rasa kasiang pa torang basar skali, sampe Dia kase pa torang hidup yang baru waktu Dia so kase hidup ulang pa Yesus Kristus. Kong karna itu, torang bole baharap deng percaya sunggu-sunggu pa Dia.