Yakobus 2:7 - Perjanjian Baru Bahasa Melayu Maluku Utara

⁷ Orang kaya itu yang jaga kase tara bae Yesus Kristus pe nama. Yesus Kristus itu yang torang puji, kong yang biking torang jadi Tuhan Allah punya.

Yakobus 2:7 ပူးပေါင်းရင်းမြစ်များ

Matius 1:23

“Nanti ada nona satu yang bolong tau laki-laki, mo hamil. Dia mo kase lahir ana laki-laki satu, kong orang-orang mo pangge pa Anak itu, Imanuel.” (Imanuel dari kata Ibrani, yang pe arti, ‘Tuhan Allah ada sama-sama deng torang’).

Matius 12:24

Tapi waktu orang Yahudi dari aliran Farisi dapa dengar itu, dorang tara tarima. Kong dorang baku bilang, “Dia user setang itu pake Beelzebul, setang-setang pe raja pe kuasa.”

Matius 27:63

Dorang bilang pa Pilatus, “Bapa gubernur, torang inga waktu Yesus yang pangbafoya itu masi hidup, Dia perna bilang, ‘Kita memang mo mati, tapi dia pe hari ketiga, Kita mo hidup ulang’.

Kisah Para Rasul 11:26

Barnabas deng Saulus tinggal sama-sama deng jemaat di situ, dia pe lama satu taong. Di situ dorang mangajar tentang Yesus pa orang banya. Di Antiokhia itu suda, orang-orang yang jaga iko Yesus pe ajaran yang kakamuka dapa sebut, Kristen.

Kisah Para Rasul 15:17

Kita biking bagitu supaya samua orang cari pa Kita, Tuhan, deng samua suku bangsa bukang Yahudi yang Kita pili bole jadi Kita pe umat sandiri.’ Itu suda yang Tuhan Allah bilang, kong Dia yang biking samua ini.

Kisah Para Rasul 26:11

Banya kali kita cari pa dorang di ruma-ruma ibada agama Yahudi. Kita siksa deng paksa pa dorang supaya dorang manyangkal pa Yesus. Kita tara suka skali deng ajaran itu, jadi kita salalu cari pa orang-orang yang percaya pa Yesus itu, sampe di kota-kota di luar torang orang Yahudi pe daera.”

Kisah Para Rasul 4:12

Jadi, cuma Yesus saja yang bisa kase slamat pa manusia, karna di seluru dunia, cuma Dia saja yang Tuhan Allah pili untuk kase slamat pa manusia. Tara ada yang laeng.”

Efesus 3:15

Dia itu suda yang jadi Bapa untuk torang samua yang percaya yang ada di dunia deng di sorga, kong Dia so biking torang jadi sama deng satu keluarga.

1 Timotius 1:13

Dulu kita yang kase tara bae Dia pe nama. Waktu itu, kita siksa deng hina pa orang-orang yang percaya pa Dia. Tapi biar bagitu me, Dia kase tunju Dia pe rasa kasiang pa kita, karna kita bolong percaya pa Dia, deng tara mangarti apa yang kita biking itu sala.

1 Petrus 4:16

Tapi, kalu ngoni dapa siksa karna ngoni orang Kristen, jang ngoni malu. Lebe bae ngoni puji deng hormat pa Tuhan Allah karna ngoni so jadi Yesus Kristus pe umat.

Wahyu 19:13

Dia pake juba yang so colo di dara. Deng Dia pe nama ‘Firman Allah’.

Wahyu 19:16

Di Dia pe juba deng Dia pe paha ada tatulis nama, ‘Raja dari samua raja, deng Tuhan dari samua tuhan’.