Yakobus 2:16 - Perjanjian Baru Bahasa Melayu Maluku Utara

¹⁶ Kong ada dari ngoni yang cuma bilang pa dia, “Bae-bae di jalang, e! Tuhan berkati pa ngana la jang ngana dingin deng jang ngana lapar.” Yang ngoni bilang itu tarada dia pe guna, karna ngoni tara bantu apa yang dia perlu.

Yakobus 2:16 ပူးပေါင်းရင်းမြစ်များ

Matius 15:32

Turus, Yesus pangge Dia pe murit-murit kong bilang bagini, “Kita rasa kasiang pa orang banya ini. So tiga hari dorang ada deng Kita, kong dong pe makanang so tarada. Kita tara mau suru dorang pulang deng puru kosong, kage kong dong smaput di jalang.”

Matius 25:35

Barang, waktu Kita lapar, ngoni kase makang pa Kita. Waktu Kita aus, ngoni kase minum pa Kita. Waktu Kita jadi pendatang, ngoni tarima pa Kita di ngoni pe ruma.

Matius 25:36

Waktu Kita tarada baju, ngoni kase baju pa Kita. Waktu Kita saki, ngoni urus pa Kita. Waktu Kita di penjara, ngoni datang lia pa Kita.’

Markus 5:34

Kong Yesus bilang pa parampuang itu, “Ibu, skarang ibu so sembu karna ibu percaya pa Kita. Pulang suda deng hati tenang, ibu memang so butul-butul sembu.”

Roma 12:9

Ngoni musti sayang orang butul-butul, jang foya-foya! Ngoni musti binci samua barang yang jahat, kong ngoni biking suda samua yang bae.

2 Korintus 8:8

Kita bicara tentang doi sumbangan itu, bukang berarti kita mo parenta pa ngoni. Tapi kita mau ngoni tau, jemaat-jemaat di daera Makedonia suka skali bantu pa orang yang perlu, supaya ngoni lagi ada smangat untuk bantu orang sama deng yang jemaat-jemaat Makedonia so biking. Karna kalu ngoni biking bagitu, orang bisa tau, ngoni itu butul-butul sayang orang.