Yakobus 2:10 - Perjanjian Baru Bahasa Melayu Maluku Utara

¹⁰ Karna sapa yang iko Tuhan Allah pe aturan-aturan, dia musti iko samua. Tapi kalu dia langgar Tuhan Allah pe aturan-aturan, biar cuma satu saja, itu sama deng dia so langgar aturan samua.

Yakobus 2:10 ပူးပေါင်းရင်းမြစ်များ

Galatia 3:10

Tapi orang yang berusaha untuk jadi orang yang butul pa Tuhan Allah pe muka deng cara biking aturan-aturan di lima kitab Musa, dorang itu suda orang-orang yang dapa kutuk dari Tuhan Allah karna tara ada dari dorang yang mampo biking samua aturan itu. Karna di Kitab Suci tatulis bagini, “Sapa yang tara biking samua aturan di lima kitab Musa, dia itu mo dapa kutuk dari Tuhan Allah.”

Galatia 5:3

Kita kase inga ulang pa ngoni: tiap orang yang kase dia pe diri supaya dapa sunat iko aturan itu, dia itu musti iko samua aturan di lima kitab Musa.

Yakobus 3:2

Torang samua jaga biking sala di banya hal. Orang yang mampo jaga dia pe mulu sampe tara sala bicara, dia itu orang yang sempurna, yang bole kuasai dia pe diri sandiri.

2 Petrus 1:10

Jadi sudara-sudara, karna Tuhan Allah so pili deng pangge pa ngoni jadi Dia pe umat, ngoni musti berusaha karas untuk iko pa Dia supaya ngoni tau deng yakin Dia so pili deng pangge pa ngoni. Karna kalu ngoni biking samua yang bae yang kita bilang itu, ngoni tara akan kase tinggal ngoni pe percaya pa Dia, itu sama deng ngoni ada bajalang turus-turus kong ngoni pe kaki tara tagate di batu sampe jatu.

Yudas 1:24

Tuhan Allah ada kuasa untuk jaga pa ngoni supaya ngoni tara taiko biking dosa. Dia me biking ngoni jadi orang yang tara sala apa-apa, kong bawa pa ngoni badiri deng hati yang paling sanang di Dia pe muka yang hebat itu.