Yakobus 2:1 - Perjanjian Baru Bahasa Melayu Maluku Utara

¹ Sudara-sudara, torang ini so percaya pa Yesus Kristus, torang pe Tuhan yang hebat. Jadi, jang pili-pili orang.

Yakobus 2:1 ပူးပေါင်းရင်းမြစ်များ

Matius 22:16

Jadi dorang suru pa dong pe murit-murit deng babarapa orang yang jaga iko pa raja Herodes pigi ka sana supaya bilang bagini, “Guru, torang tau, Guru ini jujur. Guru jaga kase ajar pa orang-orang yang butul tentang bagimana hidup iko Tuhan Allah pe mau. Kong Guru tara tako pa sapa-sapa, karna Guru tara cari muka.

Kisah Para Rasul 10:34

Turus, Petrus mulai bicara pa dorang, “Sudara-sudara! Skarang kita baru tau butul-butul, Tuhan Allah itu tara pili-pili orang.

Kisah Para Rasul 20:21

Kita salalu kase inga deng karas pa orang-orang Yahudi deng pa orang-orang bukang Yahudi, supaya dorang bertobat kong iko pa Tuhan Allah deng percaya pa Tuhan Yesus, torang pe Tuhan.

Kisah Para Rasul 24:24

Waktu so lewat babarapa hari, gubernur Feliks bale ulang di Kaisarea, sama-sama deng dia pe bini, Drusila. Dia pe bini itu orang Yahudi. Kong Feliks suru orang pangge pa Paulus. Waktu Paulus so di situ, dia bilang pa Feliks tentang bagimana supaya orang bole percaya pa Yesus Kristus.

Kisah Para Rasul 7:2

Stefanus bilang, “Bapa-bapa deng sudara-sudara, coba ngoni dengar dulu. Ngoni masi inga, to? Dulu, torang pe orang tua dulu-dulu Abraham tinggal di daera Mesopotamia, sebelum dia tinggal di kota Haran. Di situ, Tuhan Allah yang luar biasa, kase tunju Dia pe diri pa Abraham,

Roma 1:11

Barang, kita ingin skali baku dapa deng ngoni untuk kase ajar pa ngoni apa yang Roh Kudus ada ajar pa kita, supaya ngoni pe percaya lebe tamba kuat.

1 Korintus 2:8

Tara ada dari pemimpin-pemimpin di dunia ini yang mangarti Tuhan Allah pe rencana itu. Karna kalu dorang mangarti itu, dong tara akan mo kase salib pa Tuhan yang hebat itu.

Kolose 1:4

Barang, torang so dengar tentang ngoni pe percaya pa Kristus Yesus deng tentang ngoni pe sayang pa samua orang yang so jadi Tuhan Allah pe umat.

1 Timotius 1:19

Barang, ada babarapa orang yang so tara iko lagi yang butul yang dorang tau itu, sampe dorang so tara percaya lagi pa Tuhan.

1 Timotius 5:21

Timotius, ngana musti biking tugas yang kita kase pa ngana ini, tara bole pili-pili orang. Kita bilang ini, Tuhan Allah, Kristus Yesus deng malaekat-malaekat yang Tuhan Allah pili me dengar.

Titus 1:1

Titus, salam dari kita Paulus. Kita ini jaga biking apa yang Tuhan Allah suru deng kita ini Yesus Kristus pe utusan yang orang sebut rasul. Kita jadi Dia pe rasul itu supaya kita kase tau Tuhan pe Kabar Bae pa orang-orang yang Dia so pili la dorang dapa slamat. Kita dapa tugas kase kuat dorang pe percaya deng kase tau pa dorang ajaran yang butul. Ajaran itu yang mo tolong pa dorang supaya dorang bisa hidup iko Tuhan Allah pe mau.

Titus 2:13

Sementara torang biking samua itu, torang batunggu hari yang nanti biking torang paling sanang waktu Tuhan Yesus Kristus datang lagi deng Dia pe kuasa yang luar biasa. Dia itu suda torang pe Tuhan Allah Yang Paling Berkuasa, deng yang kase slamat pa torang. Torang pe harapan cuma pa Dia.

Ibrani 1:3

Kong deng torang lia pa Anak Allah itu, torang bole dapa lia Tuhan Allah pe kuasa yang luar biasa. Karna kalu torang so dapa lia pa Dia, itu sama saja deng torang so lia pa Tuhan Allah. Anak Allah itu lagi yang ator samua-samua yang ada di dunia ini pake Dia pe bicara yang ada kuasa. Dia me yang kase Dia pe diri mati, supaya kase ampun manusia pe dosa. Abis itu, Dia nae di sorga, dudu di tampa yang terhormat, pa Tuhan Allah Yang Paling Berkuasa pe sabla kanan.

Ibrani 12:2

Mari suda torang biking turus sama deng orang yang iko lomba itu, jang lia kiri-kanan tapi lia pa Yesus turus. Barang, Dia yang pimpin pa torang, supaya torang bole percaya pa Tuhan Allah, deng Dia yang biking torang pe percaya jadi sempurna. Waktu dapa salib, Dia tetap batahang. Deng biar Dia dapa hina, Dia tara peduli, karna Dia tau, abis itu, Dia akan sanang. Skarang, Dia so ada di tampa yang terhormat, pa Tuhan Allah pe sabla kanan di sorga.

Yakobus 1:16

Sudara-sudara yang kita sayang, jang sampe ngoni dapa tipu. Tuhan Allah tara perna kase cobaan pa ngoni la ngoni tagoda biking yang jahat.

Yakobus 1:19

Sudara-sudara yang kita sayang, ngoni musti inga hal-hal ini: kalu ada orang sementara bicara, ngoni dengar bae-bae dulu pa dia, jang ngoni capat bicara deng jang ngoni capat mara.

Yakobus 2:3

Pa orang yang pake baju bagus itu ngoni sambut deng hormati pa dia, turus bilang pa dia bagini, “Mari bapa, dudu di tampa yang bagus ini.” Tapi pa orang miskin itu ngoni bilang bagini, “Badiri di situ suda!” atau “Dudu di lante suda, dekat kita pe kaki!”

Yakobus 2:9

Tapi kalu ngoni pili-pili orang ngoni so biking dosa, deng kalu ngoni biking bagitu, itu so jelas ngoni so langgar aturan di Kitab Suci.

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

2 Petrus 1:1

Sudara-sudara yang percaya, salam dari kita Simon Petrus. Kita ini orang yang jaga biking apa yang Yesus Kristus suru, deng kita ini me Dia pe utusan yang orang sebut rasul. Yesus Kristus itu Tuhan Allah, deng Dia me yang kase slamat pa torang dari dosa-dosa. Dia itu yang biking sampe ngoni percaya pa Dia sama deng torang yang so percaya pa Dia, karna Dia salalu biking barang yang butul.

Yudas 1:16

Orang-orang itu cuma mengelu-mengelu deng suka kase sala orang laeng. Dorang hidup cuma iko dong pe keinginan tara bae. Dorang pe bicara angka-angka dong pe diri sandiri, kong suka cari muka deng baambe hati di orang la dorang dapa untung.

Wahyu 14:12

Jadi yang penting di sini, orang-orang yang so jadi Tuhan Allah pe umat, musti batahang percaya pa Dia biar dapa siksa. Dorang itu yang iko Tuhan Allah pe parenta, deng tetap percaya pa Yesus.