Yakobus 1:8 - Perjanjian Baru Bahasa Melayu Maluku Utara

⁸ Karna orang yang pe hati deng pikiran tara tetap pa Tuhan, dia pe hidup tara akan tenang.

Yakobus 1:8 ပူးပေါင်းရင်းမြစ်များ

Matius 6:22

Yesus bilang lagi, “Ngoni pe mata sama deng lampu yang kase tarang ngoni pe diri. Jadi kalu ngoni pe mata lia deng jelas, ngoni pe hidup lagi iko tarang.

Matius 6:24

Tarada satu orang yang bisa bakarja satu kali pa dua tuang. Karna kalu dia pe tuang dua, pasti dia binci tuang yang satu kong tuang yang laeng dia sayang. Atau dia mo lebe setia pa dia pe tuang yang satu dari dia pe tuang yang laeng. Bagitu lagi deng ngoni, kalu ngoni hidup cuma mo kumpul harta dunia, tara mungkin ngoni mo karja untuk Tuhan Allah deng sunggu-sunggu.”

Yakobus 1:7

Jadi orang yang ragu-ragu, jang pikir dia mo dapa apa-apa dari Tuhan.

Yakobus 4:8

Berusaha suda hidup dekat deng Tuhan Allah, supaya Dia badekat deng ngoni. Ee, ngoni orang-orang yang berdosa, kase bersi suda ngoni pe tangan yang jaga biking dosa! Deng ngoni yang masi tara tau mo iko yang mana: Tuhan Allah pe mau ka, dunia pe mau ka, ngoni musti kase bersi ngoni pe hati.

2 Petrus 2:14

Dorang pe mata kalu lia parampuang, haga deng napsu. Dorang tara perna puas biking dosa. Dorang jaga goda pa orang-orang yang pe percaya bolong kuat pa Tuhan, supaya iko pa dorang untuk biking yang jahat. Dorang itu tara perna puas deng dong pe barang yang so ada, kong dong me mo ambe orang punya. Dorang itu Tuhan Allah pasti mo hukum!

2 Petrus 3:16

Di samua Paulus pe surat, dia tulis hal-hal macam itu. Memang ada babarapa hal di surat-surat itu yang orang susa mangarti. Orang yang tara tau ajaran yang butul deng orang yang pe percaya tara kuat, dorang so ruba dia pe arti jadi sala, sama deng dong kase sala arti kitab-kitab yang laeng di Kitab Suci. Karna itu, Tuhan Allah mo hukum pa dorang tapisa deng Dia slama-lamanya.