Yakobus 1:5 - Perjanjian Baru Bahasa Melayu Maluku Utara

⁵ Kalu ada dari ngoni yang tara tau mana yang bae yang dia musti biking, dia musti berdoa tanya pa Tuhan Allah supaya Tuhan Allah kase tau. Barang, Tuhan pe hati bae, sapa saja yang minta pa Dia, Dia tara mara tapi pasti Dia kase.

Yakobus 1:5 ပူးပေါင်းရင်းမြစ်များ

Matius 11:20

Abis itu, Yesus mulai mara pa orang-orang yang ada di babarapa kota, karna biar Dia so banya kali biking mujizat, tapi dorang tara mau bertobat.

Markus 16:14

Dia pe ahir kabawa, Yesus kase tunju Dia pe diri pa Dia pe murit-murit seblas orang itu waktu dorang sementara makang. Kong Yesus togor pa dorang karna dorang pe hati karas deng karna dorang tara percaya pa orang-orang yang so lia, Dia so hidup ulang.

Yohanes 14:13

Kong apa saja yang ngoni minta pa Bapa karna ngoni Kita pe umat, Kita mo biking itu untuk ngoni, supaya deng apa yang Kita biking itu, orang-orang bole puji deng hormat pa Kita pe Bapa.

Yohanes 15:7

Kalu ngoni hidup satu hati deng Kita turus, deng Kita pe kata-kata ada di ngoni pe hati, apa saja yang ngoni minta, ngoni akan dapa.

Yohanes 4:10

Turus Yesus bilang pa dia, “Kalu ibu tau sapa sebenarnya yang minta minum pa ibu, deng pe bagus apa itu yang Tuhan Allah mo kase pa ibu, pasti ibu yang mo bale minta minum pa Kita kong Kita mo kase aer yang bisa biking manusia hidup.”

2 Korintus 2:16

Untuk orang-orang yang akan mati tapisa deng Tuhan Allah karna tara tarima Kabar Bae itu, dong anggap torang yang percaya pa Yesus Kristus macam deng bobou bangke, barang torang kase tau Tuhan Allah akan biking dorang mati tapisa dari Dia. Tapi untuk orang-orang yang mo dapa hidup deng Tuhan Allah slama-lamanya karna tarima Kabar Bae itu, dong anggap torang macam deng bobou sadap, karna torang kase tau Kabar Bae yang biking dong dapa hidup deng Tuhan Allah slama-lamanya. Kong kita mo tanya, sapa yang mampo biking tugas ini?

Yakobus 1:17

Barang, samua yang bae deng sempurna yang torang dapa, itu datang dari Tuhan Allah yang di sorga. Dia itu torang pe Bapa yang biking matahari, bulan, deng bintang untuk kase tarang langit. Matahari, bulan, deng bintang itu basinar iko dia pe waktu untuk kase tarang dunia ini. Tapi Tuhan Allah tara bagitu, Dia tara beruba, Dia salalu bae.

Yakobus 3:17

Tapi orang yang dapa pande dari Tuhan, torang tau persis bagini: pertama, dia pe hati bersi, turus dia suka dame, suka baku bawa bae deng orang, dengar-dengaran, ada rasa kasiang, deng jaga biking hal-hal bae. Dia me tara barát sabla deng tara munafik.

Yakobus 5:16

Jadi lebe bae ngoni baku mangaku ngoni pe dosa deng baku kase berdoa, supaya ngoni jadi sembu. Orang yang hidup butul pa Tuhan Allah pe muka, dia pe doa ada kuasa basar skali sampe ada dia pe hasil.

1 Yohanes 3:22

Jadi kalu torang minta apa saja pa Dia, Dia akan kase pa torang, karna torang salalu biking Dia pe parenta, deng jaga biking hal-hal yang kase sanang Dia pe hati.