Yakobus 1:3 - Perjanjian Baru Bahasa Melayu Maluku Utara

³ Karna ngoni sandiri tau, kalu torang dapa cobaan tapi tetap percaya pa Tuhan, itu biking torang pe percaya jadi lebe kuat.

Yakobus 1:3 ပူးပေါင်းရင်းမြစ်များ

Lukas 21:19

Kalu ngoni tetap batahang percaya pa Kita, ngoni dapa hidup deng Tuhan Allah slama-lamanya.”

Roma 15:4

Samua yang tatulis dari dulu di Kitab Suci, ada tulis untuk kase ajar pa torang, supaya torang bole tetap percaya biar dapa siksa, deng supaya kase smangat pa torang untuk percaya deng yakin pa Tuhan Allah.

Roma 2:7

Ada orang yang biking barang yang bae turus, karna dorang suka dapa puji deng hormat dari Tuhan Allah, deng dorang suka hidup deng Tuhan Allah slama-lamanya. Jadi pa dorang itu, Tuhan Allah mo kase hidup deng Dia slama-lamanya.

Roma 8:25

Jadi, kalu torang bolong dapa apa yang torang harap, torang musti tunggu deng sabar.

Roma 8:28

Torang tau ini: sapa saja yang sayang pa Tuhan Allah deng so dapa pangge la iko Dia pe mau, apa saja yang jadi pa dorang, mo bae ka, tara bae ka, torang tau, Tuhan Allah mo biking samua itu untuk dorang pe bae.

2 Korintus 4:17

Memang, sengsara yang tong dapa di dunia ini barát, tapi kalu tong pikir apa yang Tuhan Allah so sadia pa torang di sorga, sengsara itu bole torang bilang tara barát kong cuma sementara. Jadi kalu torang tetap batahang deng sengsara itu, torang so siap untuk tarima samua yang hebat itu di sorga.

Kolose 1:11

Kita minta lagi pa Tuhan Allah supaya Dia kase kuat ngoni pe hati deng Dia pe kuasa yang luar biasa itu, la biar apa saja yang ngoni hadapi, ngoni tetap percaya, ngoni tetap sabar deng ngoni pe hati tetap sanang.

2 Tesalonika 1:4

Jadi, torang pe hati sanang sampe tong bacarita tentang ngoni pa Tuhan Allah pe jemaat-jemaat, karna biar orang siksa pa ngoni deng ngoni dapa banya susa yang laeng, ngoni tetap batahang deng tetap percaya pa Tuhan Yesus.

2 Tesalonika 3:5

Torang minta pa Tuhan supaya Dia bantu pa ngoni untuk lebe mangarti Tuhan Allah pe sayang, deng supaya ngoni bole tahang siksa sama deng dulu waktu Yesus Kristus tahang siksa.

Ibrani 10:36

Karna itu, ngoni musti batahang percaya biar dapa siksa, supaya kalu ngoni so biking apa yang Tuhan Allah mau, ngoni mo tarima apa yang Dia so janji itu.

Ibrani 12:1

Sudara-sudara, biar orang-orang percaya dulu-dulu yang kita so bilang tadi itu so mati, dorang pe percaya waktu dong hidup di dunia itu jadi conto la torang iko, sama deng dorang masi hidup kong ada kuliling pa torang. Jadi, mari suda torang berusaha untuk buang samua beban deng lapas suda dosa-dosa yang masi malakat pa tong pe diri, supaya torang tara ada alangan apa-apa, la torang bole percaya butul-butul pa Tuhan Allah. Mari torang berusaha iko pa Dia sama deng torang ada iko lomba lari, torang tara berenti tapi lari turus sampe di garis finis.

Ibrani 6:12

Kong jang ngoni pamalas. Tapi ngoni musti hidup iko conto dari orang-orang percaya yang akan tarima samua yang Tuhan Allah so janji, karna dorang pe percaya kuat deng dorang tara berenti sampe ahir.

1 Petrus 1:7

Sengsara yang ngoni dapa itu jadi bukti, ngoni butul-butul percaya pa Tuhan. Itu sama deng mas yang kalu mo tau dia pe asli musti bakar dulu deng api. Tapi ngoni pe percaya lebe berharga dari mas, karna mas itu tara akan ada turus-turus. Kalu ngoni so lolos dari cobaan itu, nanti di hari kiamat, waktu Yesus Kristus datang ulang, Dia mo puji deng hormat pa ngoni.

2 Petrus 1:6

Turus kalu ngoni so tau apa yang Dia suka, ngoni lagi musti kuasai ngoni pe diri. Turus kalu ngoni so kuasai ngoni pe diri, ngoni me musti tetap percaya pa Dia biar dapa siksa. Kong biar lagi ngoni dapa siksa, ngoni me musti hidup iko Tuhan Allah pe mau,