Wahyu 9:19 - Perjanjian Baru Bahasa Melayu Maluku Utara

¹⁹ Kuda-kuda itu ada kuasa untuk kase siksa deng bunu pa manusia. Kuasa itu ada pa dong pe mulu deng ekor. Di dorang pe ekor ada barang satu yang sama deng ular pe kapala yang ada kuasa siksa pa manusia.

Wahyu 9:19 ပူးပေါင်းရင်းမြစ်များ

Efesus 4:14

Kalu torang pe percaya so kuat bagitu, torang so tara gampang dapa tipu sama deng ana kacil. Jadi kalu ada orang yang datang kase ajar ajaran macam-macam yang tara butul untuk pengaru pa torang, torang tara akan gampang taiko pa dorang. Torang tara akan sama deng omba yang kasana-kamari iko angin batiop.

Wahyu 9:10

Dorang pe ekor babisa sama deng kalajengking pe bisa, kong dorang dapa kuasa untuk biking sengsara orang deng dong pe bisa itu selama lima bulan.

Wahyu 9:18

Api, asap deng belerang yang kaluar dari kuda pe mulu itu jadi tiga macam cilaka di dunia yang biking manusia mati. Kalu mo bagi manusia di dunia jadi tiga bagian, yang mati itu satu bagian.

Wahyu 9:20

Tapi manusia yang laeng, yang tara mati deng cilaka-cilaka itu, dorang tetap tara mau bertobat dari dong pe kajahatan. Dorang tara berenti semba pa setang-setang deng pa dong pe puji-puji dari mas, perak, tembaga, batu deng kayu. Padahal samua puji-puji itu tara bisa lia, tara bisa dengar deng tara bisa bajalang.