Wahyu 9:1 - Perjanjian Baru Bahasa Melayu Maluku Utara

¹ Abis itu, malaekat yang kelima tiop dia pe trompet. Kong kita lia bintang satu jatu dari langit di bumi. Turus ada yang kase pa bintang itu kunci untuk buka tampa maso di jurang maut. Tampa itu tampa untuk tahang setang-setang.

Wahyu 9:1 ပူးပေါင်းရင်းမြစ်များ

Lukas 10:18

Yesus bilang pa dorang, “Iyo, butul. Kita so lia Iblis, setang-setang pe raja dapa buang dari langit, dia jatu capat sama deng kilat.

Lukas 8:31

Kong setang-setang itu bamohon pa Yesus supaya jang Dia suru dong maso di jurang maut, tampa tahang setang-setang.

Roma 10:7

Atau jang ngoni bilang, “Musti ada satu orang yang turung ka tampa orang mati.” Kalu ngoni bilang bagitu, itu dia pe maksut mo angka pa Yesus Kristus bawa kamari supaya kase tau cara orang dapa slamat.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 1:20

Yang ngana lia tuju bintang di Kita pe tangan kanan itu, deng tuju tiang mas itu, dia pe arti masi rahasia pa orang-orang. Kong skarang Kita mo buka rahasia itu pe arti pa ngana bagini: tuju bintang itu pe arti, Tuhan pe tuju malaekat yang jaga tuju jemaat. Kong tuju tiang mas yang pake taru lampu itu pe arti, tuju jemaat.”

Wahyu 11:7

Kalu dua saksi so abis kase tau Tuhan Allah pe pasáng, ada binatang jahat yang kaluar dari jurang maut, tampa tahang setang-setang. Binatang jahat itu akan serang deng kase kala pa dong dua kong bunu pa dong dua itu.

Wahyu 17:8

Binatang jahat yang ngana lia tadi itu, dulu so perna ada, tapi dia so tarada lagi. Nanti dia akan muncul dari jurang maut, tampa tahang setang-setang, turus dia mo mati slama-lamanya. Kong orang-orang yang tinggal di dunia akan herang waktu lia binatang itu. Dorang yang herang itu yang pe nama tara tatulis di buku kehidupan waktu Tuhan Allah bolong biking dunia ini. Dorang akan herang kalu dong lia, binatang itu dulu ada, skarang so tarada, tapi nanti akan datang ulang.

Wahyu 20:1

Abis itu, kita lia malaekat satu turung dari sorga. Malaekat itu ada pegang kunci jurang maut, tampa tahang setang-setang, deng dia me ada pegang rante basar satu.

Wahyu 20:10

Turus, Iblis yang kase sesat pa orang-orang itu dapa lempar di api belerang yang luas skali. Binatang jahat deng nabi palsu so dapa buang kamuka di situ. Kong dorang samua dapa siksa siang deng malam sampe slama-lamanya.

Wahyu 6:13

Bintang-bintang di langit jatu di bumi, sama deng bua ara yang masi manta yang jatu dari pohong waktu angin ribut tiop.

Wahyu 8:10

Malaekat yang ketiga tiop dia pe trompet, kong bintang basar satu jatu dari langit. Bintang itu mamanyala sama deng obor. Kong bintang itu jatu di kali-kali deng di mata-mata aer. Kalu mo bagi samua kali deng mata aer di dunia jadi tiga bagian, bintang itu jatu di satu bagian.

Wahyu 8:12

Malaekat yang keempat tiop dia pe trompet, turus matahari, bulan deng bintang tara basinar bae-bae. Jadi kalu siang, satu bagian dari tiga bagian itu jadi galap karna matahari so tara basinar bae-bae. Deng kalu malam, satu bagian dari tiga bagian waktu malam itu jadi galap buta, karna bulan deng bintang so tara basinar bae-bae.

Wahyu 8:2

Turus kita lia malaekat tuju badiri pa Tuhan Allah pe muka, kong dorang masing-masing dapa kase trompet.

Wahyu 9:2

Kong bintang itu buka jurang maut pe pintu, turus asap tabal yang banya skali kaluar dari tampa itu sampe matahari me tatutu kong langit jadi galap.