Wahyu 7:11 - Perjanjian Baru Bahasa Melayu Maluku Utara

¹¹ Waktu itu, samua malaekat badiri kong kuliling pa Tuhan Allah pe kursi raja itu, deng kuliling pa pemimpin-pemimpin deng binatang ampa yang luar biasa itu. Dorang samua berlutut di muka kursi raja itu kong semba pa Tuhan Allah sampe dong pe muka kanal di tana.

Wahyu 7:11 ပူးပေါင်းရင်းမြစ်များ

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Yohanes 5:23

Bapa kase tugas itu pa Dia pe Anak supaya samua orang hormati pa Bapa pe Anak sama deng dorang hormati pa Bapa. Sapa saja yang tara hormati pa Dia pe Anak, dia lagi tara hormati pa Bapa yang utus pa Dia pe Anak itu.

Ibrani 1:6

Deng waktu Tuhan Allah suru Dia pe Anak yang paling terhormat itu datang di dunia, Tuhan Allah bilang bagini, “Samua Kita pe malaekat musti semba pa Dia.”

Wahyu 11:16

Pe dengar itu, dua pulu ampa pemimpin yang dudu di dorang pe kursi raja pa Tuhan Allah pe muka, dorang berlutut semba pa Tuhan Allah sampe dong pe muka kanal di tana.

Wahyu 15:4

Samua orang pasti akan tako pa Tuhan, kong puji deng hormat Tuhan pe nama. Barang cuma Tuhan saja yang kudus. Samua suku mo datang kong berlutut untuk semba pa Tuhan. Karna samua orang so lia apa yang Tuhan biking itu butul.”

Wahyu 22:9

Tapi dia togor pa kita, dia bilang, “Jangan! Jang ngana semba pa kita! Yang ngana musti semba cuma Tuhan Allah! Kita ini sama saja deng ngana, sama deng ngana pe sudara-sudara laeng yang percaya, sama lagi deng nabi-nabi, deng orang laeng yang salalu iko apa yang tatulis di kitab ini. Torang samua ini cuma orang yang jaga biking apa yang Tuhan suru.”

Wahyu 4:10

dua pulu ampa pemimpin itu berlutut semba pa Dia yang dudu di kursi raja itu. Dia itu yang hidup slama-lamanya. Kong waktu itu, dorang buka dong pe makota, turus dorang taru di muka kursi raja itu deng bilang bagini,

Wahyu 4:4

Ada lagi dua pulu ampa kursi raja laeng yang kuliling kursi raja itu. Di dua pulu ampa kursi raja itu, dua pulu ampa pemimpin ada dudu. Dorang pake baju puti kong di dorang pe kapala ada makota mas.

Wahyu 4:6

Deng di kursi raja itu pe muka ada barang satu, macam deng lautan kaca, dia jerni sama deng kristal. Ada ampa binatang luar biasa kuliling di kursi raja itu. Binatang ampa itu pe bagian muka deng balakang ponong deng mata.

Wahyu 4:8

Ampa binatang itu masing-masing pe sayap ada anam. Di sayap-sayap itu, dia pe bagian luar deng dalam ponong deng mata. Siang deng malam binatang-binatang itu tara perna berenti babilang bagini, “Suci, suci, Tuhan Allah itu paling suci suda! Dia Yang Paling Berkuasa. Dia yang dari dulu ada, yang skarang ada, deng yang nanti akan datang untuk slama-lamanya.”