Wahyu 5:2 - Perjanjian Baru Bahasa Melayu Maluku Utara

² Turus kita lia lagi ada malaekat satu yang kuat. Dia tanya deng suara kuat bagini, “Sapa yang pantas buka Tuhan Allah pe tuju segel yang ada kase talém di kitab tagulung itu la bisa buka kitab itu?”

Wahyu 5:2 ပူးပေါင်းရင်းမြစ်များ

Wahyu 10:1

Abis itu, kita lia malaekat satu lagi yang kuat turung dari sorga. Dia pe badan tabungkus deng awan. Dia pe kapala takuliling deng pelangi. Dia pe muka basinar sama deng matahari, kong dia pe kaki mamanyala sama deng tiang api.

Wahyu 18:21

Abis itu, kita lia malaekat satu yang kuat. Dia angka batu basar skali, dia pe basar sama deng batu gilingan di tampa bagiling gandum, kong dia buang di laut. Waktu dia buang, dia bilang bagini, “Bagini dia pe cara Tuhan Allah akan buang kuat-kuat kota Babel ka bawa, sampe kota itu so tara akan dapa lia lagi.

Wahyu 5:1

Abis itu, kita lia pa Dia yang dudu di kursi raja itu pe tangan kanan, ada kitab satu yang tagulung. Di kitab itu pe bagian dalam deng bagian luar ada tulisan, kong ada tagulung, turus talém deng Tuhan Allah pe tuju segel.

Wahyu 5:5

Turus ada satu dari dua pulu ampa pemimpin itu bilang pa kita bagini, “Ngana tara usa manangis suda. Perhatikan bae-bae! Ada yang bole buka tuju segel di kitab tagulung itu. Orang itu yang Tuhan Allah janji dari dulu mo kase slamat pa manusia. Dia dari raja Daud pe turunan, yang orang sebut Singa dari suku Yehuda yang so menang dari pengaru jahat.”