Wahyu 4:10 - Perjanjian Baru Bahasa Melayu Maluku Utara

¹⁰ dua pulu ampa pemimpin itu berlutut semba pa Dia yang dudu di kursi raja itu. Dia itu yang hidup slama-lamanya. Kong waktu itu, dorang buka dong pe makota, turus dorang taru di muka kursi raja itu deng bilang bagini,

Wahyu 4:10 ပူးပေါင်းရင်းမြစ်များ

Matius 2:11

Kong waktu dorang maso di dalam ruma, dong lia Anak itu ada deng Dia pe mama, Maria. Turus, dong berlutut semba pa Anak itu. Dorang buka dong pe tampa harta kong kase kaluar barang-barang mahal yang dong bawa la kase pa Anak itu. Barang-barang yang dong kase itu: mas, kemenyan deng minya wangi mur.

Lukas 24:52

Kong di situ dorang berlutut semba pa Dia. Abis itu, dorang pulang di Yerusalem deng hati yang sanang skali.

1 Korintus 15:10

Tapi kita jadi rasul skarang, cuma karna Tuhan Allah pe bae pa kita. Deng Dia pe bae itu tara parcuma. Mala dari samua rasul, yang karja karas itu kita. Tapi samua karja itu kita mampo biking bukang karna kita pe kemampuan sandiri, tapi karna Tuhan Allah pe bae pa kita.

Wahyu 10:6

Malaekat itu basumpa demi Tuhan Allah yang hidup slama-lamanya, deng yang so biking sorga deng dia pe isi, bumi deng dia pe isi, laut deng dia pe isi. Malaekat itu bilang bagini, “Tuhan Allah so tara tunda-tunda lagi. Apa yang Dia so bilang itu so mo jadi!

Wahyu 11:16

Pe dengar itu, dua pulu ampa pemimpin yang dudu di dorang pe kursi raja pa Tuhan Allah pe muka, dorang berlutut semba pa Tuhan Allah sampe dong pe muka kanal di tana.

Wahyu 15:4

Samua orang pasti akan tako pa Tuhan, kong puji deng hormat Tuhan pe nama. Barang cuma Tuhan saja yang kudus. Samua suku mo datang kong berlutut untuk semba pa Tuhan. Karna samua orang so lia apa yang Tuhan biking itu butul.”

Wahyu 15:7

Dari ampa binatang luar biasa, ada satu yang kase mangko mas tuju pa malaekat tuju itu. Mangko tuju itu ponong deng Tuhan Allah pe mara. Tuhan Allah itu suda yang hidup sampe slama-lamanya.

Wahyu 19:4

Kong dua pulu ampa pemimpin deng ampa binatang yang luar biasa itu berlutut semba pa Tuhan Allah yang dudu di kursi raja, kong dong bilang bagini, “Haleluya, puji pa Tuhan Allah! Amin.”

Wahyu 4:2

Pe abis bilang bagitu, langsung Tuhan Allah pe Roh kuasai pa kita, kong kita lia sorga. Kita lia ada satu kursi raja kong ada satu Orang yang dudu di kursi raja itu.

Wahyu 4:4

Ada lagi dua pulu ampa kursi raja laeng yang kuliling kursi raja itu. Di dua pulu ampa kursi raja itu, dua pulu ampa pemimpin ada dudu. Dorang pake baju puti kong di dorang pe kapala ada makota mas.

Wahyu 4:9

Ampa binatang itu kase dong pe puji-pujian deng hormat pa Tuhan Allah yang dudu di kursi raja. Dorang me bilang tarimakasi pa Dia, Dia itu yang hidup slama-lamanya. Kong tiap kali dorang biking bagitu,

Wahyu 5:14

Kong ampa binatang luar biasa itu sama-sama bilang, “Amin!” Turus, dua pulu ampa pemimpin itu berlutut semba pa Tuhan Allah sampe dong pe muka kanal di tana.

Wahyu 5:8

Waktu Anak Domba ambe kitab yang tagulung itu, ampa binatang yang luar biasa itu deng dua pulu ampa pemimpin itu berlutut semba pa Dia sampe dong pe muka kanal di tana. Dorang masing-masing ada pegang kecapi satu deng mangko mas satu. Mangko mas itu ada isi kemenyan yang kalu bakar dia pe bobou sadap. Bobou sadap itu pe arti, doa-doa dari orang-orang yang so jadi Tuhan Allah pe umat.

Wahyu 7:11

Waktu itu, samua malaekat badiri kong kuliling pa Tuhan Allah pe kursi raja itu, deng kuliling pa pemimpin-pemimpin deng binatang ampa yang luar biasa itu. Dorang samua berlutut di muka kursi raja itu kong semba pa Tuhan Allah sampe dong pe muka kanal di tana.