Wahyu 4:1 - Perjanjian Baru Bahasa Melayu Maluku Utara

¹ Abis itu, kita lia pintu satu di sorga tabuka. Kong kita dengar Anak Manusia yang dari sorga pe suara bicara lagi pa kita. Suara itu pe kuat sama deng trompet pe babunyi. Suara itu bilang pa kita, “Yohanes, nae suda kamari! Kita mo kase tunju pa ngana hal-hal yang akan jadi abis ini.”

Wahyu 4:1 ပူးပေါင်းရင်းမြစ်များ

Matius 3:16

Abis Yohanes baptis pa Yesus, Yesus kaluar dari aer. Waktu itu suda, langit tabala kong Yesus lia Tuhan Allah pe Roh sama deng burung pombo turung di atas pa Dia.

Markus 1:10

Bagitu Yesus kaluar dari aer, Dia lia langit tabalá, kong Roh Kudus sama deng burung pombo turung di atas pa Dia.

Lukas 3:21

Waktu Herodes bolong kase maso pa Yohanes di penjara, Yohanes ada baptis banya orang. Termasuk Yesus, dia baptis. Waktu Yesus dapa baptis, Dia berdoa kong langit tabalá.

Yohanes 16:13

Nanti kalu Roh Kudus yang mo tolong itu so datang, Dia mo kase ajar pa ngoni sampe ngoni bole mangarti samua yang butul. Barang, Roh Kudus itu tara bicara iko apa yang ada pa Dia pe pikiran sandiri, tapi Dia bicara iko apa yang Dia dengar dari Tuhan Allah. Kong Roh Kudus lagi yang mo kase tau pa ngoni apa yang mo jadi nanti.

Kisah Para Rasul 10:11

Dia dapa lia langit tabalá kong ada satu barang sama deng kaeng basar turung dari langit sampe di tana. Barang yang ada kase turung itu ada taika deng tali ampa pa dia pe ujung-ujung.

Kisah Para Rasul 7:56

Turus Stefanus bilang bagini, “Coba lia! Kita lia sorga tabuka deng Anak Manusia badiri di tampa yang terhormat pa Tuhan Allah pe sabla kanan.”

Wahyu 1:10

Satu kali bagini, pas hari sambayang, Tuhan pe Roh kuasai pa kita. Turus, kita dapa dengar suara yang kuat skali dari kita pe balakang. Suara itu pe bunyi sama deng trompet pe babunyi.

Wahyu 1:12

Pe dengar suara itu, kita balia ka balakang la mo lia sapa yang bicara pa kita itu. Kong waktu kita balia ka balakang, kita lia ada tuju tiang mas yang jaga pake taru lampu.

Wahyu 1:19

Karna itu Yohanes, tulis suda samua yang Kita kase tunju pa ngana, yang ngana so lia skarang ini deng yang akan ngana mo lia nanti.

Wahyu 11:12

Dua orang itu dapa dengar suara dari sorga kuat skali yang bilang pa dorang bagini, “Ngoni dua nae kamari!” Turus dorang dua nae pigi di sorga. Sementara dorang dua nae, awan bungkus pa dorang. Waktu itu, dorang pe musu-musu lia-lia dorang nae.

Wahyu 11:19

Abis itu, kita dapa lia Tuhan Allah pe Ruma di sorga tabuka, kong di dalam itu kita dapa lia Tuhan Allah pe Kotak Perjanjian. Turus ada kilat deng guntur babunyi, tana goyang yang kuat, deng ujang es yang karas skali.

Wahyu 16:17

Abis itu, malaekat yang ketuju buang mangko yang dia pegang itu pe isi di udara. Kong dapa dengar suara dari kursi raja yang ada di dalam Tuhan Allah pe Ruma di sorga, yang bilang bagini, “Samua Kita pe hukuman ini so abis, Kita so tara mara lagi.”

Wahyu 19:11

Abis itu kita lia sorga tabuka, kong kage ada kuda puti satu di situ. Turus di kuda itu ada yang dudu, Dia pe nama ‘Yang setia deng Yang butul’. Dia itu adil waktu adili, deng waktu baku prang.

Wahyu 22:6

Abis lia itu, malaekat itu bilang pa kita, “Samua yang kita so kase tau pa ngana ini butul deng pasti mo jadi. Dulu, Tuhan Allah pake Dia pe Roh Kudus untuk kase tau Dia pe pasáng pa nabi-nabi. Tapi skarang, Dia so utus Dia pe malaekat untuk kase tau tentang samua hal yang so tara lama pasti mo jadi, kong kase tau itu pa orang-orang yang jaga biking apa yang Tuhan Allah suru.”