Wahyu 3:3 - Perjanjian Baru Bahasa Melayu Maluku Utara

³ Karna itu, ngoni inga suda turus ajaran yang ngoni so dengar deng tarima itu waktu ngoni baru percaya pa Kita. Ngoni musti iko ajaran itu deng bertobat suda. Kalu ngoni tara bertobat, Kita mo datang hukum pa ngoni. Kita mo datang kage-kage sama deng papancuri, deng ngoni tara tau tempo apa Kita datang.

Wahyu 3:3 ပူးပေါင်းရင်းမြစ်များ

Matius 25:13

Pe abis carita umpama itu, Yesus bilang lagi, “Jadi, ngoni bajaga-jaga suda, barang ngoni tara tau, tempo apa Kita mo datang ulang.”

Markus 13:33

Jadi ngoni musti ati-ati deng bajaga-jaga! Barang, ngoni tara tau tempo apa itu mo jadi.

Markus 13:36

jang sampe Kita datang kong dapa lia ngoni tara basiap.

1 Tesalonika 5:2

Barang, ngoni sandiri so tau, tarada orang yang bisa tau tempo apa Tuhan Yesus mo datang ulang. Kage-kage Dia so datang, sama deng papancuri datang malam-malam.

1 Timotius 6:20

Timotius, ngana musti jaga bae-bae samua yang Tuhan so kase percaya pa ngana. Jang ngana badekat deng orang yang bacarita hal yang tarada dia pe guna deng yang tara hormati pa Tuhan Allah. Deng jang ngana badekat pa orang yang bawa ajaran sesat, yang orang jaga bilang ‘pengetahuan’, padahal itu sala.

2 Timotius 1:13

Jadi Timotius, iko saja ajaran yang ngana so dengar dari kita. Ajaran itu butul deng bisa jadi conto la ngana kase ajar pa orang laeng. Ngana musti percaya turus pa Yesus deng sayang pa samua orang, itu yang jadi bukti ngana jadi satu deng Kristus Yesus.

Ibrani 2:1

Jadi, karna Yesus itu yang paling hebat, torang musti lebe pegang kuat ajaran yang torang so dengar tentang Dia, supaya jang ada orang yang pengaru pa torang sampe torang mulai kase tinggal torang pe percaya.

2 Petrus 1:13

Selama kita masi hidup ini, kita rasa pantas mo kase inga itu turus pa ngoni.

2 Petrus 3:1

Sudara-sudara yang kita sayang, ini kita pe surat yang kedua pa ngoni. Di dua surat yang kita tulis pa ngoni, kita berusaha kase inga ulang apa yang ngoni so tau, supaya ngoni tetap smangat untuk pikir yang bae tentang itu.

2 Petrus 3:10

Tapi tempo apa Yesus Kristus mo datang ulang, tarada orang yang tau. Dia datang sama deng papancuri datang, yang kage-kage so ada, tarada yang tau. Hari itu, langit akan ancor deng babunyi kuat skali, kong matahari, bulan deng bintang akan tabakar sampe abis, turus bumi deng samua dia pe isi akan abis.

Wahyu 16:15

Tuhan bilang, “Perhatikan bae-bae, tarada yang tau tempo apa Kita mo datang ulang dari sorga. Kita datang tara sangka-sangka, sama deng papancuri datang. Orang yang salalu bajaga-jaga dalam dia pe hidup, dia itu paling sanang. Dia itu sama deng orang yang jaga perhatikan dia pe baju, supaya tara bajalang batalanjang deng tara malu di muka umum.”

Wahyu 2:25

Tapi ajaran yang ngoni so percaya itu, pegang deng iko turus sampe Kita datang ulang.

Wahyu 2:5

Karna itu, ngoni inga suda, ngoni pe cara hidup waktu ngoni baru percaya, so laeng skali deng yang skarang. Jadi, bertobat suda, kong biking yang bae sama deng waktu ngoni pertama percaya pa Kita. Kalu ngoni tara bagitu, nanti Kita mo datang kong hukum pa ngoni. Itu sama deng Kita mo ambe ngoni pe tiang yang jaga taru lampu dari dia pe tampa.

Wahyu 22:7

Abis itu, Yesus bilang bagini, “Inga e! Tara lama lagi Kita akan datang ulang. Jadi orang yang iko Tuhan pe pasáng di kitab ini, dorang itu paling sanang.”

Wahyu 3:11

So tara lama lagi Kita mo datang. Jadi jaga turus ngoni pe percaya pa Tuhan Allah supaya hadia makota yang Dia mo kase pa ngoni itu tarada orang yang mo rampas.

Wahyu 3:19

Kalu orang-orang yang Kita sayang biking sala, dorang itu Kita mo togor deng kase hukuman supaya dorang jadi lebe bae. Karna itu, ngoni musti iko pa Tuhan butul-butul deng bertobat suda.

Wahyu 3:2

Jadi ngoni musti sadar suda deng apa yang ngoni so biking, turus ngoni musti kase kuat ngoni pe percaya yang so mo mati itu. Barang Kita tau, yang ngoni jaga biking itu tara butul pa Tuhan Allah pe muka.