Wahyu 3:19 - Perjanjian Baru Bahasa Melayu Maluku Utara

¹⁹ Kalu orang-orang yang Kita sayang biking sala, dorang itu Kita mo togor deng kase hukuman supaya dorang jadi lebe bae. Karna itu, ngoni musti iko pa Tuhan butul-butul deng bertobat suda.

Wahyu 3:19 ပူးပေါင်းရင်းမြစ်များ

Matius 25:7

Pe dengar itu, nona-nona spulu orang itu bangun, kong dorang kase bae-bae dong pe lentera.

Yohanes 2:17

Waktu Yesus pe murit-murit lia Yesus user orang di Ruma Ibada Pusat pe kompleks, dorang dapa inga di kitab Mazmur. Di kitab Mazmur itu Tuhan Allah bajanji, nanti ada Orang yang Dia utus akan bilang bagini, “Kita cinta Tuhan Allah pe Ruma. Kita pe cinta itu tabakar sama deng api di Kita pe hati.”

Roma 12:11

Ngoni karja deng rajin untuk Tuhan, jang ngoni pamalas. Ngoni karja untuk Tuhan itu deng smangat.

1 Korintus 11:32

Tapi kalu torang dapa hukuman dari Tuhan, itu pe tujuan untuk ajar pa torang la biking barang yang butul, supaya nanti torang tara akan dapa hukum sama-sama deng orang-orang yang tara percaya pa Tuhan yang iko dunia pe mau.

2 Korintus 6:9

Torang ini sebenarnya banya orang kanal, tapi ada yang pura-pura tara kanal pa torang. Torang amper-amper mati, tapi torang tetap saja hidup. Torang dapa hukuman barát ulang-ulang, tapi torang tetap tara mati.

2 Korintus 7:11

Coba ngoni inga sedi yang ngoni rasa waktu baca kita pe surat yang kamuka itu. Sedi itu yang Tuhan Allah mau, karna sedi itu biking ngoni berusaha untuk biking barang yang butul, bagini: ngoni dapa smangat untuk biking Tuhan pe mau, ngoni kase bersi ngoni pe nama dari apa yang orang tudu pa ngoni, ngoni mara pa orang-orang yang biking dosa, ngoni jadi tako kalu tara butul-butul iko pa Tuhan, ngoni ingin baku dapa deng torang, deng ngoni lagi tara tako untuk hukum pa orang-orang yang biking sala. Samua yang ngoni biking itu kase tunju ngoni tara sala.

Galatia 4:18

Memang bagus orang berusaha turus untuk biking satu barang yang bae untuk ngoni. Tapi jang sampe cuma waktu kita ada saja, bagitu kita so tara ada, dorang berenti biking yang bae itu.

Titus 2:14

Dia yang so serakan Dia pe diri untuk mati la kase bebas pa torang dari torang pe dosa. Dia biking torang pe hati jadi bersi, sampe torang jadi Dia pe umat sandiri yang suka biking barang yang bae.

Yakobus 1:12

Orang yang dapa cobaan kong batahang deng tetap percaya pa Tuhan, dia itu orang yang paling sanang. Karna kalu dia berhasil lolos dari samua cobaan itu, dia mo dapa hadia. Hadia itu, hidup deng Tuhan Allah slama-lamanya. Itu yang Tuhan Allah so janji mo kase pa orang-orang yang sayang pa Dia.

Wahyu 2:5

Karna itu, ngoni inga suda, ngoni pe cara hidup waktu ngoni baru percaya, so laeng skali deng yang skarang. Jadi, bertobat suda, kong biking yang bae sama deng waktu ngoni pertama percaya pa Kita. Kalu ngoni tara bagitu, nanti Kita mo datang kong hukum pa ngoni. Itu sama deng Kita mo ambe ngoni pe tiang yang jaga taru lampu dari dia pe tampa.