Wahyu 22:3 - Perjanjian Baru Bahasa Melayu Maluku Utara

³ Di kota itu, tarada orang yang dapa kutuk lagi. Tuhan Allah deng Anak Domba pe kursi raja ada di situ. Kong Tuhan Allah pe umat yang salalu biking apa yang Tuhan Allah suru, dorang mo semba pa Dia.

Wahyu 22:3 ပူးပေါင်းရင်းမြစ်များ

Matius 25:21

Kong dia pe tuang bilang pa dia, ‘Bagus skali yang ngana biking itu. Ngana memang kita pe orang karja yang bae deng setia. Ngana so setia deng hal-hal yang kacil, jadi kita akan kase percaya pa ngana hal-hal yang basar. Jadi mari suda sama-sama deng kita, kong tong basanang rame-rame!’

Matius 25:41

Turus, Dia mo babilang pa orang-orang yang ada pa Dia pe sabla kiri bagini, ‘Bajao suda dari sini ngoni orang-orang yang Tuhan so kutuk, kong ka sana suda maso di api yang tara mati-mati itu, yang so kase sadia untuk Iblis deng dia pe ana-ana bua.

Yohanes 12:26

Sapa yang suka biking apa yang Kita suru, dia musti iko pa Kita, kong di mana saja Kita ada, dia lagi musti ada di situ. Kong sapa yang biking apa yang Kita suru, Kita pe Bapa akan hormati pa dia.”

Yohanes 13:32

Kong kalu orang lia Tuhan Allah dapa puji deng hormat bagitu, Tuhan Allah lagi mo biking orang-orang mo puji deng hormat pa Anak Manusia, kong so tara lama lagi samua itu mo jadi.

Yohanes 14:3

Kalu Kita so ka sana kong so kase siap tampa itu, Kita akan bale ulang kamari untuk bawa pa ngoni ka sana, supaya di mana Kita ada, di situ lagi ngoni ada.

Yohanes 17:24

Bapa, Kita ingin dorang yang Bapa so kase pa Kita itu salalu ada sama-sama deng Kita di Kita pe tampa tinggal nanti, supaya dorang bisa lia Kita pe kuasa yang luar biasa. Kuasa yang luar biasa itu Bapa so kase pa Kita karna Bapa sayang pa Kita dari waktu dunia bolong ada.

Wahyu 7:10

Turus, deng suara kuat dorang bilang bagini, “Yang kase slamat pa torang, itu Tuhan Allah yang dudu di kursi raja, deng Anak Domba lagi.”

Wahyu 7:9

Abis itu, kita lia ada orang pe banya skali, sampe tara mampo mo rekeng pa dorang. Dorang itu dari samua bangsa, suku bangsa, fam deng bahasa. Dorang samua badiri di muka Tuhan Allah pe kursi raja deng di muka Anak Domba itu. Dorang pake juba puti deng masing-masing orang ada pegang daong-daong palem.