Wahyu 22:15 - Perjanjian Baru Bahasa Melayu Maluku Utara

¹⁵ Tapi ada orang-orang yang tara bole maso di kota itu. Dorang itu: orang yang tara percaya pa Tuhan, orang yang jaga pake tiop-tiop, orang yang baseks sabarang, orang yang jaga bunu orang, orang yang semba dong pe puji-puji, deng tiap orang yang suka bafoya kong biking itu turus-turus.

Wahyu 22:15 ပူးပေါင်းရင်းမြစ်များ

Matius 7:6

Jang ngoni kase Tuhan pe firman pa orang yang tara mau tarima. Barang, itu sama deng ngoni buang apa yang kudus di anjing kong anjing itu cuma bale gigi pa ngoni, atau sama deng ngoni buang mutiara yang mahal ka sana di babi kong babi itu cuma injang-injang mutiara itu.”

Matius 8:12

Tapi biar bangsa Yahudi yang kamuka dapa pili jadi Tuhan Allah pe umat, banya dari dorang yang tara ada di sana. Tuhan Allah akan buang pa dorang di tampa yang paling galap. Di situ, dorang akan manangis deng menderita skali.”

Yohanes 8:46

Sapa dari ngoni yang bole kase bukti, bilang Kita biking dosa? Tara ada to? Kalu Kita bicara yang butul, bikiapa kong ngoni tara percaya pa Kita?

Kisah Para Rasul 8:11

Dorang itu jaga iko-iko pa Simon, barang so lama dia jaga biking dorang taherang-herang deng dia pe tiop-tiop.

Filipi 3:2

Ngoni musti ati-ati deng orang-orang yang bawa ajaran yang tara butul, dorang yang bilang kata, kalu ngoni mo jadi Tuhan Allah pe umat, ngoni musti dapa sunat dulu. Padahal, deng dorang paksa pa ngoni bagitu, dorang jahat sama deng anjing-anjing. Dorang itu sama saja deng orang yang tara percaya.

Kolose 3:6

Pa orang yang biking samua hal yang jahat macam bagitu, Tuhan Allah jadi mara kong akan hukum pa dorang [yang tara dengar-dengaran pa Dia].

1 Timotius 1:10

yang baseks sabarang, laki-laki yang baseks deng laki-laki, yang jaga pancuri orang kong jual untuk biking dia jadi orang karja, yang pangbafoya, yang jadi saksi yang tara butul, deng yang jaga biking hal-hal yang tara baku cocok deng ajaran yang butul.

Wahyu 18:23

So tarada lagi cahaya lampu di kota itu, deng so tara dengar orang yang biking pesta kawing lagi di situ. Barang, dulu orang-orang yang bajual di kota itu paling terkenal, kong dorang itu ada pake tiop-tiop la kase pengaru pa samua suku bangsa di dunia supaya iko pa dorang.

Wahyu 21:27

Tapi samua yang jahat, atau orang yang jaga biking hal-hal yang cafarune atau yang jaga kase foya orang, dorang tara akan maso di kota itu. Yang bisa maso di kota itu cuma orang-orang yang dong pe nama ada tatulis di Anak Domba pe buku kehidupan. Di buku itu ada tulis orang-orang pe nama yang dapa hidup deng Tuhan Allah slama-lamanya.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”