Wahyu 22:14 - Perjanjian Baru Bahasa Melayu Maluku Utara

¹⁴ Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.

Wahyu 22:14 ပူးပေါင်းရင်းမြစ်များ

Yohanes 10:7

Jadi, Yesus bilang satu kali lagi, “Inga bae-bae yang Kita bilang ini. Kita ini suda yang bole kase sama deng pintu di kandang domba.

Yohanes 10:9

Kita ini pintu. Sapa yang iko pa Kita, dia itu akan slamat. Dia bole kase sama deng domba yang kaluar maso kandang la dapa makanang.

Yohanes 14:15

Yesus bilang lagi, “Kalu ngoni sayang pa Kita, ngoni akan biking Kita pe parenta-parenta.

Yohanes 14:6

Kong Yesus bilang pa dia, “Kita ini jalang yang mo pigi pa Tuhan Allah, deng Kita ini yang kase tau yang butul tentang Tuhan Allah, deng Kita lagi yang kase hidup deng Tuhan Allah slama-lamanya. Jadi, tara ada satu orang yang bole pigi pa Tuhan Allah kalu tara iko pa Kita.

Yohanes 4:12

Torang pe orang tua dulu-dulu Yakub yang kase parigi ini pa torang. Kong dia sandiri so minum dari parigi ini, bagitu lagi deng dia pe ana-ana deng dia pe binatang-binatang piara lagi. Masa Bapa ini lebe hebat dari torang pe bapa Yakub itu?”

1 Korintus 7:19

Karna orang yang sunat deng tara sunat itu tara penting. Yang penting itu iko Tuhan Allah pe parenta-parenta.

1 Korintus 8:9

Tapi, biar ngoni bisa makang makanang apa saja, ngoni musti tetap ati-ati, jang sampe deng ngoni makang itu, itu biking ngoni pe sudara laeng yang bolong kuat percaya pa Tuhan, jadi berdosa. Itu sama deng ngoni biking dorang pe kaki tagate di batu kong jatu.

1 Korintus 9:5

Torang me ada hak untuk kawing deng parampuang yang percaya pa Tuhan Yesus. Kong kalu kita ada bini, dia me bole kita bawa waktu tong bajalang jao kase tau Kabar Bae pa orang-orang, sama deng rasul yang laeng ada bawa dong pe bini yang percaya pa Tuhan, bagitu lagi Tuhan Yesus pe sudara-sudara deng Petrus. Iyo, to?

Galatia 5:6

Karna untuk torang yang so sama-sama percaya pa Kristus Yesus, torang mo iko aturan sunat itu ka, tarada ka, itu tara penting, tapi yang paling penting torang pe percaya pa Yesus Kristus yang dapa lia dari torang pe sayang pa orang laeng.

1 Yohanes 3:3

Samua orang yang baharap pa Tuhan sama deng itu, orang itu musti salalu hidup deng hati bersi sama deng Yesus Kristus yang suci itu.

1 Yohanes 5:3

Kalu torang sayang pa Tuhan Allah, torang iko Dia pe parenta-parenta. Kong Dia pe parenta-parenta itu tara susa untuk torang biking.

Wahyu 2:7

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, Kita mo kase pa dorang hak untuk makang bua dari pohong kehidupan yang ada di Tuhan Allah pe taman Firdaus.’ ”

Wahyu 21:12

Kota itu ada kuliling deng pagar tembok yang basar deng tinggi. Dia pe pintu gerbang ada dua blas. Di tiap pintu itu ada satu malaekat yang bajaga. Kong di pintu-pintu itu, ada tatulis dua blas suku Israel pe nama.

Wahyu 21:27

Tapi samua yang jahat, atau orang yang jaga biking hal-hal yang cafarune atau yang jaga kase foya orang, dorang tara akan maso di kota itu. Yang bisa maso di kota itu cuma orang-orang yang dong pe nama ada tatulis di Anak Domba pe buku kehidupan. Di buku itu ada tulis orang-orang pe nama yang dapa hidup deng Tuhan Allah slama-lamanya.

Wahyu 22:2

turus malele di tenga-tenga jalang di kota itu. Di kali itu pe sabla-sabla, ada pohong-pohong kehidupan, yang babua dua blas kali satu taong. Jadi tiap bulan, pohong itu babua. Dia pe daong bisa biking obat untuk kase sembu orang di samua suku di bumi.

Wahyu 22:7

Abis itu, Yesus bilang bagini, “Inga e! Tara lama lagi Kita akan datang ulang. Jadi orang yang iko Tuhan pe pasáng di kitab ini, dorang itu paling sanang.”

Wahyu 7:14

Kita jawab, “Bapa saja yang tau sapa dorang itu.” Kong dia bilang pa kita, “Dorang itu orang-orang yang so bebas dari sengsara yang hebat skali. Dorang pe baju so jadi puti bersi, itu pe arti, dorang pe dosa-dosa so dapa tebus, karna Anak Domba so mati untuk dorang.