Wahyu 22:11 - Perjanjian Baru Bahasa Melayu Maluku Utara

¹¹ Orang yang biking jahat, kase biar dong biking jahat. Orang yang berdosa, kase biar dong biking dosa. Orang yang hidup butul, biar dong hidup butul turus pa Tuhan Allah pe muka. Orang yang hidup bersi pa Tuhan Allah pe muka, biar dong hidup bersi turus!”

Wahyu 22:11 ပူးပေါင်းရင်းမြစ်များ

Matius 15:14

Jadi ngoni kase biar saja pa orang Farisi itu. Karna dorang itu sama deng orang buta tunda orang buta. Kalu orang buta kase tunju jalang pa orang buta laeng, dua-dua pasti jatu di lobang.”

Matius 21:19

Kong Dia lia ada pohong ara di pinggir jalang. Dia badekat ka sana di pohong itu la mo cari dia pe bua, tapi Dia tara dapa apa-apa di situ, cuma dia pe daong-daong saja. Jadi Dia bilang di pohong itu, “Ngana so tara akan babua lagi sampe slama-lamanya!” Waktu itu suda, pohong ara itu langsung kiring.

Matius 25:10

Turus, nona-nona yang bodo itu pigi bili minya. Tapi sementara dorang pigi bili minya, pengantin laki-laki sampe. Kong nona-nona yang pande yang so siap-siap itu, maso sama-sama deng pengantin itu di ruang pesta, kong pintu dapa tutu.

Matius 5:45

Kalu ngoni biking bagitu, ngoni kase tunju, ngoni itu Bapa yang di sorga pe ana-ana. Dia yang biking matahari basinar pa orang yang bae-bae deng pa orang yang jahat. Dia me yang kase turung ujang pa orang yang biking barang yang butul deng pa orang yang biking barang yang tara butul.

Matius 5:6

Paling sanang suda orang-orang yang ingin skali biking barang yang butul, karna Tuhan Allah akan kase puas pa dorang.

Yohanes 8:21

Jadi, Yesus bicara lagi waktu Dia sementara mangajar di Ruma Ibada Pusat pe kompleks bagini, “Kita mo pigi di tampa laeng, deng ngoni mo cari-cari pa Kita, tapi ngoni tara dapa pa Kita. Ngoni tara percaya pa Kita, jadi waktu ngoni mati, ngoni pe dosa-dosa tara dapa ampun. Kong di tampa yang Kita mo pigi itu, ngoni tara mungkin pigi di situ.”

Efesus 5:27

Jadi, torang yang so jadi Dia pe jemaat bole jadi Tuhan pe umat yang bersi dari dosa, kong tarada orang yang mo kase sala pa torang. Torang tarada dosa apa-apa sampe waktu Tuhan Yesus datang ulang jemput pa torang, jadi torang bole badiri pa Dia pe muka.

Kolose 1:22

Tapi skarang, Tuhan Allah biking supaya ngoni pe hubungan bole bae-bae ulang deng Dia, karna Yesus Kristus so mati di kayu salib. Dia mati itu, supaya di Dia pe muka, ngoni jadi orang yang bersi dari dosa, tara sala apa-apa, kong tarada orang yang bisa kase sala pa ngoni.

2 Timotius 3:13

Tapi orang yang jahat deng yang tukang tipu, dorang itu lebe hari lebe tamba jahat. Dorang tipu pa orang-orang kong orang laeng me tipu pa dorang.

Yudas 1:24

Tuhan Allah ada kuasa untuk jaga pa ngoni supaya ngoni tara taiko biking dosa. Dia me biking ngoni jadi orang yang tara sala apa-apa, kong bawa pa ngoni badiri deng hati yang paling sanang di Dia pe muka yang hebat itu.

Wahyu 16:21

Turus ujang es yang basar-basar jatu dari langit kanal pa orang-orang di bumi. Satu gumpal es itu dia pe barát kira-kira lima pulu kilo. Ujang es itu biking manusia sengsara skali, jadi dong kase tara bae Tuhan Allah pe nama.

Wahyu 22:3

Di kota itu, tarada orang yang dapa kutuk lagi. Tuhan Allah deng Anak Domba pe kursi raja ada di situ. Kong Tuhan Allah pe umat yang salalu biking apa yang Tuhan Allah suru, dorang mo semba pa Dia.