Wahyu 21:4 - Perjanjian Baru Bahasa Melayu Maluku Utara

⁴ Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”

Wahyu 21:4 ပူးပေါင်းရင်းမြစ်များ

Matius 24:35

Langit deng bumi mo abis, tapi Kita pe kata-kata akan tetap ada sampe slama-lamanya.”

1 Korintus 15:26

Kong Tuhan Allah pe musu yang terahir yang Dia mo kase kala itu, kuasa yang biking orang mati.

1 Korintus 7:31

Yang jelas itu bagini, orang yang sibuk cari apa-apa dalam dunia ini, jang cuma pikir tentang dong pe hidup di dunia ini saja. Karna dunia yang torang tinggal ini so mulai tara bagus deng akan ancor nanti.

2 Korintus 5:17

Karna itu, sapa saja yang so percaya pa Yesus Kristus, dia itu so jadi manusia baru. Dia pe sifat dulu-dulu yang tara bae itu so ilang. Samua so jadi baru.

2 Korintus 6:17

Karna itu Tuhan Allah bilang lagi bagini, “Ngoni kaluar suda dari dorang pe tenga-tenga, dorang yang tara percaya. Ngoni bapisa dari dorang. Jang ngoni iko dorang biking dosa, supaya jang ngoni jadi orang yang tara bersi pa Kita pe muka. Iko yang Kita bilang ini la Kita tarima pa ngoni.

Ibrani 12:27

Waktu Tuhan Allah bilang, “Satu kali lagi”, itu pe arti, samua yang Tuhan Allah biking di dunia ini mo dapa goyang deng ancor. Kong yang akan tatinggal itu cuma apa yang tara dapa goyang deng ancor.

2 Petrus 3:10

Tapi tempo apa Yesus Kristus mo datang ulang, tarada orang yang tau. Dia datang sama deng papancuri datang, yang kage-kage so ada, tarada yang tau. Hari itu, langit akan ancor deng babunyi kuat skali, kong matahari, bulan deng bintang akan tabakar sampe abis, turus bumi deng samua dia pe isi akan abis.

1 Yohanes 2:17

Dunia ini cuma sementara saja, kong akan ancor. Samua yang manusia ingin me nanti ilang. Tapi orang yang jaga biking Tuhan Allah pe mau, dia itu tetap hidup deng Tuhan Allah sampe slama-lamanya.

Wahyu 20:13

Laut serakan orang-orang yang mati yang ada di tampa itu, kuasa yang biking orang mati me serakan orang-orang yang so mati di tampa itu, deng tampa orang mati me serakan orang-orang yang so mati di situ. Dorang samua dapa adili iko deng apa yang dong so biking.

Wahyu 20:14

Abis itu, kuasa yang biking orang mati deng tampa orang mati, dapa lempar di api yang luas skali. Hukuman dapa lempar di api itu, dia pe nama kematian yang kedua.

Wahyu 21:1

Abis itu, kita lia langit deng bumi yang baru, karna langit deng bumi yang pertama so tarada. Bagitu lagi deng laut.

Wahyu 22:3

Di kota itu, tarada orang yang dapa kutuk lagi. Tuhan Allah deng Anak Domba pe kursi raja ada di situ. Kong Tuhan Allah pe umat yang salalu biking apa yang Tuhan Allah suru, dorang mo semba pa Dia.

Wahyu 7:17

Karna Anak Domba yang ada di tenga-tenga kursi raja pe muka itu, Dia mo jadi dorang pe Gembala. Dia mo bawa pa dorang minum di mata aer yang biking dorang hidup, kong Tuhan Allah mo hapus dorang samua pe aer mata.”