Wahyu 21:21 - Perjanjian Baru Bahasa Melayu Maluku Utara

²¹ Kota itu pe pintu gerbang ada biking dari dua blas mutiara. Tiap-tiap pintu, satu mutiara. Kong kota itu pe jalang-jalang ada biking dari mas asli yang mangkilat sama deng kaca.

Wahyu 21:21 ပူးပေါင်းရင်းမြစ်များ

Wahyu 17:4

Parampuang itu pake baju yang biking dari kaeng alus warna ungu deng warna mera tua. Dia me pake mas, permata deng mutiara. Dia pegang mangko mas satu yang ponong deng hal-hal tara bae deng cafarune dari dia pe kalakuang yang biasa baseks sabarang.

Wahyu 18:16

Dorang bilang bagini, “Ado, cilaka kota Babel yang hebat. Dulu orang-orang di situ pake baju yang mahal deng bagus. Baju yang dorang pake itu, dong biking dari kaeng lenan, kaeng ungu, deng kaeng mera tua. Dulu, orang-orang di situ jaga pake mas, permata deng mutiara.

Wahyu 21:15

Malaekat yang bicara pa kita itu, dia ada tongkat mas untuk pake baukur. Dia pake tongkat itu untuk ukur kota itu, kota itu pe pintu-pintu gerbang deng pagar tembok yang kuliling kota itu.

Wahyu 21:18

Pagar tembok itu ada biking dari permata yaspis. Turus kota itu ada biking dari mas asli yang mangkilat sama deng kaca.

Wahyu 22:2

turus malele di tenga-tenga jalang di kota itu. Di kali itu pe sabla-sabla, ada pohong-pohong kehidupan, yang babua dua blas kali satu taong. Jadi tiap bulan, pohong itu babua. Dia pe daong bisa biking obat untuk kase sembu orang di samua suku di bumi.

Wahyu 4:6

Deng di kursi raja itu pe muka ada barang satu, macam deng lautan kaca, dia jerni sama deng kristal. Ada ampa binatang luar biasa kuliling di kursi raja itu. Binatang ampa itu pe bagian muka deng balakang ponong deng mata.