Wahyu 21:17 - Perjanjian Baru Bahasa Melayu Maluku Utara

¹⁷ Abis itu, dia ukur lagi pagar tembok yang kuliling kota itu. Dia pe tabal kira-kira anam pulu anam meter. Ukuran yang malaekat itu pake, sama deng ukuran yang manusia pake.

Wahyu 21:17 ပူးပေါင်းရင်းမြစ်များ

Wahyu 13:18

Jadi yang paling penting di sini, orang musti pikir bae-bae nomor itu. Sapa yang bijaksana, lebe bae dia rekeng bae-bae binatang itu pe nomor la tau dia pe arti, karna nomor itu, satu orang pe nomor. Nomor itu 666.

Wahyu 14:3

Kong kita dengar saratus ampa pulu ampa ribu orang itu manyanyi lagu baru pa Tuhan Allah pe muka, yang ada dudu di kursi raja, deng di muka ampa binatang yang luar biasa itu, deng di muka pemimpin dua pulu ampa orang itu. Tarada satu orang laeng di luar dorang yang bisa balajar lagu baru itu. Saratus ampa pulu ampa ribu orang itu yang Tuhan Allah so kase slamat dari dunia.

Wahyu 21:16

Kota itu pe model segi ampa, kong dia pe panjang deng lebar sama. Malaekat itu ukur kota itu pe panjang dua ribu ampa ratus kilo, dia pe lebar deng tinggi me sama.

Wahyu 21:9

Abis itu, kita lia malaekat satu dari tuju malaekat yang perna bawa tuju mangko yang pe isi cilaka terahir itu. Malaekat itu bilang pa kita bagini, “Mari suda! Kita mo kase tunju pengantin parampuang itu deng Anak Domba.”

Wahyu 7:4

Abis itu, kita dengar orang-orang yang dapa tanda deng Tuhan Allah pe cap di testa itu, dong pe jumla ada saratus ampa pulu ampa ribu orang. Dorang itu dari dua blas suku Israel: