Wahyu 21:12 - Perjanjian Baru Bahasa Melayu Maluku Utara

¹² Kota itu ada kuliling deng pagar tembok yang basar deng tinggi. Dia pe pintu gerbang ada dua blas. Di tiap pintu itu ada satu malaekat yang bajaga. Kong di pintu-pintu itu, ada tatulis dua blas suku Israel pe nama.

Wahyu 21:12 ပူးပေါင်းရင်းမြစ်များ

Matius 18:10

Yesus bilang lagi, “Inga bae-bae, jang ngoni pandang enteng pa orang biasa-biasa yang sama deng ana-ana kacil ini, karna orang-orang itu ada dong pe malaekat yang salalu ada deng Tuhan Allah di sorga. [

Lukas 15:10

Kita bilang pa ngoni, di sorga me bagitu, Tuhan Allah pe malaekat-malaekat sanang skali kalu ada satu orang yang berdosa kong dia bertobat.”

Lukas 16:22

Satu kali, orang miskin itu mati, kong malaekat-malaekat bawa pa dia di tampa yang terhormat, pa Abraham pe pinggir. Orang kaya itu me mati kong orang kubur pa dia.

Kisah Para Rasul 26:7

Kong janji itu, torang dua blas suku Israel ada tunggu-tunggu. Sementara batunggu janji itu, siang malam torang salalu semba deng hati yang sunggu-sunggu pa Tuhan Allah. Ya, raja Agripa, sampe orang Yahudi bilang kita sala, itu karna kita percaya deng yakin janji itu.

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.

Wahyu 21:13

Tiga pintu gerbang mangada matahari nae, tiga pintu gerbang lagi mangada matahari maso, kong tiga pintu gerbang mangada sabla utara, deng tiga pintu gerbang lagi mangada sabla selatan.

Wahyu 21:15

Malaekat yang bicara pa kita itu, dia ada tongkat mas untuk pake baukur. Dia pake tongkat itu untuk ukur kota itu, kota itu pe pintu-pintu gerbang deng pagar tembok yang kuliling kota itu.

Wahyu 21:25

Di situ so tarada malam, jadi kota itu pe pintu gerbang dong tara tutu-tutu.

Wahyu 22:14

Orang-orang yang pe hati so bersi, dorang sama deng orang yang cuci dong pe pakeang sampe bersi. Dorang itu paling sanang suda, karna nanti dong bole maso di dalam kota itu iko pintu-pintu gerbang, deng dorang lagi ada hak untuk makang bua yang biking dorang hidup deng Tuhan Allah sampe slama-lamanya.