Wahyu 21:11 - Perjanjian Baru Bahasa Melayu Maluku Utara

¹¹ Kita lia kota itu basinar karna Tuhan Allah pe cahaya yang luar biasa kanal di kota itu. Kota itu basinar sama deng batu mangkilat yang mahal, sama deng permata yaspis. Kong dia pe jerni sama deng kristal yang paling bagus.

Wahyu 21:11 ပူးပေါင်းရင်းမြစ်များ

Wahyu 15:8

Kong Ruang Paling Suci itu ponong deng asap karna Tuhan Allah itu hebat, deng karna Dia punya kuasa. Tarada satu orang yang bole maso di ruang itu. Tapi kalu malaekat tuju itu so abis biking tuju cilaka terahir itu, baru orang bole maso di Ruang Paling Suci itu.

Wahyu 22:1

Abis itu, malaekat itu kase tunju pa kita kali satu. Kali itu dia pe aer jerni sama deng kristal. Dia pe aer itu yang biking orang hidup deng Tuhan Allah slama-lamanya. Aer itu malele dari Tuhan Allah deng dari Anak Domba pe kursi raja,

Wahyu 22:5

Di kota itu, tarada malam. Jadi Tuhan Allah pe umat, dong so tara perlu lagi cahaya lampu atau sinar matahari, karna Tuhan Allah pe diri sandiri yang jadi sinar untuk kase tarang pa dorang. Kong dorang mo berkuasa sebagai raja sampe slama-lamanya.

Wahyu 4:3

Dia yang dudu di kursi raja itu bacahaya warna ijo deng mera, sama deng batu mangkilat yang mahal. Batu itu orang sebut, yaspis deng sardis. Turus ada pelangi yang kuliling di kursi raja itu, dia pe cahaya warna ijo sama deng batu mangkilat yang orang sebut zamrud.

Wahyu 4:6

Deng di kursi raja itu pe muka ada barang satu, macam deng lautan kaca, dia jerni sama deng kristal. Ada ampa binatang luar biasa kuliling di kursi raja itu. Binatang ampa itu pe bagian muka deng balakang ponong deng mata.