Wahyu 21:1 - Perjanjian Baru Bahasa Melayu Maluku Utara

¹ Abis itu, kita lia langit deng bumi yang baru, karna langit deng bumi yang pertama so tarada. Bagitu lagi deng laut.

Wahyu 21:1 ပူးပေါင်းရင်းမြစ်များ

Roma 8:21

Dunia deng samua dia pe isi yang Tuhan Allah so kutuk, ada yang mo jadi busu, ada yang mo jadi rusak, deng ada yang mo mati. Tapi nanti Tuhan Allah mo kase bebas samua dari kutuk itu supaya tara mo jadi bagitu lagi. Sampe nanti dunia deng samua dia pe isi mo dapa rasa sanang yang luar biasa sama-sama deng Tuhan Allah pe ana-ana.

2 Petrus 3:10

Tapi tempo apa Yesus Kristus mo datang ulang, tarada orang yang tau. Dia datang sama deng papancuri datang, yang kage-kage so ada, tarada yang tau. Hari itu, langit akan ancor deng babunyi kuat skali, kong matahari, bulan deng bintang akan tabakar sampe abis, turus bumi deng samua dia pe isi akan abis.

2 Petrus 3:13

Tapi untuk torang orang percaya, Tuhan Allah so janji Dia akan biking langit deng bumi yang baru, kong torang ada tunggu itu. Di situ nanti mo jadi tampa tinggal untuk orang-orang yang cuma biking barang yang butul pa Tuhan Allah pe muka.

Wahyu 13:1

Abis itu, kita lia binatang satu yang jahat kaluar dari dalam laut. Binatang itu pe kapala tuju deng dia pe tandu spulu. Dia pe tandu-tandu itu, samua ada makota. Deng di dia pe kapala-kapala ada tatulis kata-kata yang kase tara bae Tuhan Allah pe nama.

Wahyu 20:11

Abis itu, kita lia kursi raja satu warna puti yang basar, deng kita lia lagi Tuhan Allah ada dudu di atas kursi raja itu. Turus, dari Tuhan Allah pe muka itu, langit deng bumi langsung ilang sampe so tara dapa lia lagi.

Wahyu 21:5

Tuhan Allah yang dudu di kursi raja itu bilang bagini, “Perhatikan bae-bae, Kita biking samua jadi baru!” Kong Dia bilang pa kita, “Tulis suda samua ini! Karna samua kata-kata ini butul deng orang bisa percaya.”

Wahyu 6:14

Turus langit tabalá jadi dua kong tagulung sama deng kartas sampe ilang. Gunung-gunung deng pulo-pulo samua tagoyang sampe ilang dari dia pe tampa.