Wahyu 20:14 - Perjanjian Baru Bahasa Melayu Maluku Utara

¹⁴ Abis itu, kuasa yang biking orang mati deng tampa orang mati, dapa lempar di api yang luas skali. Hukuman dapa lempar di api itu, dia pe nama kematian yang kedua.

Wahyu 20:14 ပူးပေါင်းရင်းမြစ်များ

1 Korintus 15:26

Kong Tuhan Allah pe musu yang terahir yang Dia mo kase kala itu, kuasa yang biking orang mati.

1 Korintus 15:53

karna torang pe badan yang bisa mati deng bisa ancor ini, musti beruba jadi badan yang tara bisa mati deng tara bisa ancor.

Wahyu 1:18

Kita ini yang hidup! Memang Kita so perna mati, tapi lia skarang Kita so hidup ulang, kong Kita tetap hidup sampe slama-lamanya. Kita yang pegang samua kunci maut, itu berarti, Kita ada kuasa untuk kase hidup ulang orang yang so mati. Pa Kita me ada kunci kerajaan maut, itu berarti, Kita ada kuasa di tampa orang-orang yang mati.

Wahyu 14:10

Tuhan Allah mara skali kong mo hukum pa dorang. Hukuman itu sama deng dorang mo minum anggur pait yang tara campur deng apa-apa. Tuhan Allah mo buang pa dorang di api deng di belerang kong malaekat-malaekat yang kudus deng Anak Domba lia pa dorang dari atas.

Wahyu 19:20

Tapi, Dia deng Dia pe tentara-tentara langsung tangka pa binatang jahat itu deng tangka pa binatang jahat itu pe nabi palsu. Nabi palsu itu yang perna biking tanda-tanda yang biking orang herang, pake binatang itu pe kuasa. Dia biking tanda-tanda itu la biking sesat pa orang-orang yang so tarima cap dari binatang jahat itu, deng yang so semba pa binatang jahat itu pe patong. Binatang jahat deng nabi palsu itu dapa buang hidup-hidup di api belerang yang luas skali.

Wahyu 2:11

Jadi dengar bae-bae apa yang Tuhan Allah pe Roh kase tau pa Dia pe jemaat-jemaat, bagini, ‘Sapa yang menang dari pengaru jahat, dia itu pasti tara tarima hukuman yang dia pe nama kematian yang kedua.’ ”

Wahyu 20:10

Turus, Iblis yang kase sesat pa orang-orang itu dapa lempar di api belerang yang luas skali. Binatang jahat deng nabi palsu so dapa buang kamuka di situ. Kong dorang samua dapa siksa siang deng malam sampe slama-lamanya.

Wahyu 20:13

Laut serakan orang-orang yang mati yang ada di tampa itu, kuasa yang biking orang mati me serakan orang-orang yang so mati di tampa itu, deng tampa orang mati me serakan orang-orang yang so mati di situ. Dorang samua dapa adili iko deng apa yang dong so biking.

Wahyu 20:15

Tiap orang yang dia pe nama tara tatulis di buku kehidupan itu, dia dapa lempar di dalam api yang luas skali itu.

Wahyu 20:6

Dorang yang pertama dapa hidup ulang, dorang itu paling sanang suda. Dorang itu yang so jadi Tuhan Allah pe umat. Dorang me tara rasa yang dia pe nama kematian yang kedua. Dorang akan jadi imam-imam yang pe tugas layani pa Tuhan Allah deng Yesus Kristus, turus dorang me akan berkuasa sama-sama deng Dia selama saribu taong.

Wahyu 21:4

Dia akan hapus dorang samua pe aer mata. So tarada lagi yang mo mati, so tarada lagi yang mo rasa sedi atau manangis, deng so tarada lagi yang mo rasa saki. Barang, samua yang lama itu so tarada.”

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”

Wahyu 6:8

Kong kita lia kuda satu yang pe warna puti pucat. Ada orang yang dudu di kuda itu. Orang-orang itu pe nama ‘Mati’. Turus pa dia pe balakang, ada orang yang iko, dia pe nama ‘Tampa Orang-Orang Mati’. Dorang ini dapa kuasa untuk kase mati banya orang. Kalu mo bagi orang-orang di dunia ini jadi ampa bagian, yang dong kase mati itu satu bagian. Dorang yang mati ini, ada yang mati karna parang, mati karna lapar, mati karna macam-macam panyake deng mati karna binatang-binatang jahat gigi.