Wahyu 2:14 - Perjanjian Baru Bahasa Melayu Maluku Utara

¹⁴ Tapi biar bagitu me, Kita mo bilang pa ngoni, ngoni pe sala bagini: ada babarapa orang dari ngoni yang jaga iko Bileam pe ajaran sesat. Bileam itu yang ajar pa Balak supaya pengaru pa orang Israel la biking dosa. Lebe kusus Bileam ajar pa dorang untuk makang makanang yang so kase pa dong pe puji-puji, deng dong me jaga baseks sabarang.

Wahyu 2:14 ပူးပေါင်းရင်းမြစ်များ

Matius 18:7

Cilaka suda orang-orang di dunia ini, karna ada banya hal yang biking orang-orang tagoda biking dosa sampe jadi tara percaya lagi. Memang hal-hal itu pasti mo ada, tapi cilaka suda orang yang biking sampe orang laeng jadi bagitu.

Kisah Para Rasul 15:29

ngoni tara bole makang makanang yang so kase pa orang pe puji-puji, tara bole makang binatang yang mati karna dapa ramas di leher, deng tara bole makang dara. Ngoni me tara bole baseks sabarang. Kalu ngoni iko samua aturan itu, itu pe arti, ngoni so biking yang bae. Sampe di sini dulu torang pe surat.”

Kisah Para Rasul 21:25

Tapi untuk orang bukang Yahudi yang so percaya pa Yesus, torang so kirim surat pa dorang tentang tong pe keputusan. Keputusan itu bagini: dorang tara bole makang makanang yang orang so kase pa dorang pe puji-puji, tara bole minum dara, tara bole makang binatang yang mati karna dapa ramas di leher, deng tara bole baseks sabarang.”

Roma 11:9

Raja Daud dulu me ada bilang tentang orang Israel yang kapala batu itu bagini, “Tuhan, kita minta, kase biar saja dorang sanang-sanang turus deng dorang pe pesta sampe dorang tara sadar Tuhan tara suka deng dorang pe kajahatan, kage-kage dorang so dapa hukum. Sama deng dorang so taika di dodeso, sama deng dong tagate di batu. Itu yang jadi balasan untuk dorang pe kapala batu itu.

Roma 14:13

Nanti Tuhan Allah mo adili pa torang samua, jadi jang torang baku kase sala lagi. Tapi lebe bae torang ati-ati supaya jang torang biking barang yang biking sampe torang pe sudara jatu dalam dosa!

Roma 14:21

Lebe bae jang ngoni makang daging atau minum anggur atau biking apa-apa, kalu itu cuma biking ngoni pe sudara yang percaya jadi berdosa.

Roma 9:32

Bikiapa kong dorang tara jadi orang yang butul? Karna dorang tara percaya pa Yesus Kristus. Tapi dorang pikir kata, dorang bisa hidup butul kalu dorang biking barang yang bae iko aturan di lima kitab Musa. Deng dorang tara percaya pa Yesus Kristus, itu sama deng dong pe kaki mo tagate di batu kong jatu.

1 Korintus 1:23

Tapi torang, torang kase tau Kabar Bae tentang Yesus Kristus yang mati di kayu salib supaya orang dapa slamat dari dosa. Kabar Bae itu biking orang-orang Yahudi rasa tersinggung, sama deng batu yang biking dong pe kaki tagate. Turus, orang yang bukang Yahudi rasa Kabar Bae itu tarada guna, kata, itu cuma orang bodo pe carita.

1 Korintus 7:2

Tapi supaya tara tagoda untuk baseks sabarang, lebe bae tiap laki-laki kawing deng satu parampuang, deng tiap parampuang kawing deng satu laki-laki.

Ibrani 13:4

Samua orang musti hargai dong pe perkawinan. Laki bini musti setia, tara bole baku suka deng orang laeng. Barang, Tuhan Allah akan hukum pa orang-orang yang baseks sabarang deng pa orang yang baku suka deng orang pe laki atau orang pe bini.

1 Petrus 2:8

Kong ada lagi yang tatulis bagini, “Batu itu yang biking banya orang tagate, kong dorang cilaka.” Jadi bagini: orang-orang yang tara mau iko Tuhan Allah pe firman tentang Yesus, dorang itu sama deng orang-orang yang tagate di batu kong cilaka. Tuhan Allah so ator memang apa yang jadi itu pa dorang.

2 Petrus 2:15

Guru-guru palsu itu so tara iko Tuhan Allah pe ajaran, jadi dorang so tara butul. Dorang so iko conto nabi dulu-dulu, yang dia pe nama Bileam. Bileam ini Beor pe ana. Dia suka biking barang yang jahat, yang penting dapa doi.

Yudas 1:11

Cilaka suda dorang! Tuhan Allah akan kase hukuman pa dorang nanti karna dorang orang yang jahat macam deng Kain. Dorang me berdosa sama deng Bileam, yang bawa orang Israel biking dosa cuma karna golojo doi. Kong dorang me sama deng Korah yang malawang pa Tuhan Allah, jadi dorang akan dapa hukuman lagi.

Wahyu 2:20

Tapi satu hal ini ngoni sala: ngoni kase biar pa parampuang yang pe nama Izebel, yang dia bilang kata, dia itu Tuhan Allah pe nabi yang kase turus Tuhan Allah pe pasáng. Ngoni me kase biar dia ajar barang yang sala pa orang-orang yang jaga biking apa yang Kita suru. Dia pe ajaran itu yang biking sampe Kita pe umat baseks sabarang, deng makang makanang yang so kase pa orang pe puji-puji.

Wahyu 2:4

Tapi biar bagitu, Kita mo togor pa ngoni, barang ngoni so tara sayang pa Kita deng ngoni lagi so tara baku sayang sama deng dulu waktu ngoni baru percaya pa Kita.

Wahyu 21:8

Tapi ada orang-orang yang dapa hukum, dorang itu: orang yang stenga-stenga hati iko pa Tuhan, yang tara percaya, yang jaga biking hal-hal tara bae, yang jaga bunu orang, yang baseks sabarang, yang pake tiop-tiop, yang jaga semba pa dong pe puji-puji, deng samua orang yang pangbafoya. Dorang samua akan dapa hukum, dapa buang di api belerang yang luas deng mamanyala. Itu dia pe nama kematian yang kedua.”

Wahyu 22:15

Tapi ada orang-orang yang tara bole maso di kota itu. Dorang itu: orang yang tara percaya pa Tuhan, orang yang jaga pake tiop-tiop, orang yang baseks sabarang, orang yang jaga bunu orang, orang yang semba dong pe puji-puji, deng tiap orang yang suka bafoya kong biking itu turus-turus.