Wahyu 19:18 - Perjanjian Baru Bahasa Melayu Maluku Utara

¹⁸ Mari ngoni makang daging dari samua yang mati dalam prang ini: raja-raja, panglima prang, tentara-tentara, orang-orang yang nae kuda deng dong pe kuda, orang bebas, orang karja yang dia pe tuang so bili, biar itu orang biasa, atau orang penting.”

Wahyu 19:18 ပူးပေါင်းရင်းမြစ်များ

Matius 24:28

Umpama ada binatang mati di satu tampa, samua orang jadi tau karna nanti burung-burung bakumpul makang bangke di situ.”

Lukas 17:37

Pe dengar itu, Yesus pe murit-murit tanya, “Guru, di mana itu mo jadi?” Yesus jawab pa dorang, “Umpama ada binatang mati di satu tampa, samua orang jadi tau karna nanti burung-burung bakumpul makang bangke di situ.”

Wahyu 11:18

Kong samua suku bangsa yang tara percaya pa Dia dong mara, karna dong mo lawan pa Dia. Tapi skarang so dia pe waktu Tuhan Allah mara, Dia mo hukum pa orang-orang yang tara mau kanal pa Dia. Skarang dia pe waktu so sampe, Dia mo adili orang-orang yang so mati. Turus dia pe waktu so sampe, Tuhan Allah mo balas yang bae pa Dia pe orang-orang yang jaga biking apa yang Dia suru: dorang itu nabi-nabi yang kase turus Tuhan Allah pe pasáng, deng orang-orang yang so jadi Tuhan Allah pe umat yang hormati pa Dia, biar itu orang biasa ka orang penting. Kong waktu itu, Tuhan Allah mo hukum pa dorang yang kase rusak bumi!”

Wahyu 13:16

Binatang yang kedua me suru samua orang la tarima cap di dong pe tangan kanan atau testa. Orang yang dapa cap itu: orang biasa deng orang penting, orang miskin deng orang kaya, orang karja yang dia pe tuang so bili, deng orang yang bebas.

Wahyu 17:16

Raja spulu yang ngana so lia sama deng tandu spulu itu, deng lagi binatang jahat itu akan binci pa parampuang tara bae itu. Dorang akan rampas samua yang parampuang itu punya kong kase talanjang pa dia. Nanti dong akan makang dia pe badan, kong bakar pa dia di api.

Wahyu 19:5

Kong kita dengar suara dari sekitar Tuhan Allah pe kursi raja bilang bagini, “Ee, ngoni samua yang jaga biking apa yang Tuhan Allah suru, ngoni yang tako pa Dia, biar ngoni itu orang biasa atau orang penting, mari suda puji pa torang pe Tuhan Allah.”

Wahyu 6:15

Waktu itu, samua orang berusaha basambunyi di goa-goa atau di antara batu-batu di gunung, mulai dari raja-raja di bumi, pejabat-pejabat, komandan-komandan, orang-orang kaya, orang-orang yang berkuasa, sampe pa samua orang karja yang dia pe tuang so bili, deng orang-orang bebas lagi.