Wahyu 19:17 - Perjanjian Baru Bahasa Melayu Maluku Utara

¹⁷ Turus kita lia malaekat satu badiri di atas matahari. Malaekat itu pangge pa samua burung yang terbang tinggi di langit, dia bicara kuat-kuat bagini, “Mari suda bakumpul la makang sama-sama pa Tuhan Allah pe pesta makang yang basar.

Wahyu 19:17 ပူးပေါင်းရင်းမြစ်များ

Wahyu 14:6

Abis itu, kita lia satu malaekat laeng lagi ada terbang di langit. Dia itu bawa pasáng dari Tuhan Allah yang tara beruba slama-lamanya. Dia mo kase tau pasáng itu pa orang-orang yang tinggal di bumi, pa orang-orang dari samua fam, samua suku, samua bahasa deng samua bangsa.

Wahyu 19:21

Abis itu, Dia yang dudu di atas kuda puti itu ka sana bunu pa binatang jahat pe tentara-tentara laeng pake parang tajam yang kaluar dari Dia pe mulu. Kong samua burung datang makang orang-orang yang mati itu pe daging sampe kanyang.

Wahyu 8:13

Kong kita lia ada burung rajawali satu ekor terbang tinggi di langit. Turus kita dengar burung itu bilang kuat-kuat bagini, “Cilaka! Cilaka! Cilaka suda orang-orang yang hidup di dunia! Karna masi ada tiga malaekat lagi yang mo tiop dong pe trompet.”