Wahyu 19:10 - Perjanjian Baru Bahasa Melayu Maluku Utara

¹⁰ Kong kita berlutut di malaekat itu pe muka la mo semba pa dia. Tapi dia togor pa kita bagini, “Jangan! Jang ngana semba pa kita! Semba saja pa Tuhan Allah. Karna kita ini cuma sama deng ngana deng sudara-sudara laeng yang jaga biking apa yang Tuhan suru. Torang samua ini yang jaga kase tau tentang Yesus pa orang-orang. Sapa yang kase tau itu, dia itu butul-butul yang Roh Kudus pake untuk kase tau Tuhan Allah pe pasáng.”

Wahyu 19:10 ပူးပေါင်းရင်းမြစ်များ

Matius 4:10

Tapi Yesus bilang pa dia, “Ee Iblis, pigi suda dari sini! Karna di Kitab Suci ada tatulis bagini, ‘Ngoni musti semba pa Tuhan Allah, Dia itu ngoni pe Tuhan, deng cuma pa Dia saja yang ngoni musti dengar-dengaran.’ ”

Markus 5:22

Ada lagi satu orang yang datang, dia pe nama Yairus. Dia itu kapala di satu ruma ibada agama Yahudi. Bagitu dia dapa lia pa Yesus, dia ka sana kong berlutut pa Yesus pe muka.

Markus 7:25

Ada ibu satu, dia bukang orang Yahudi. Dia lahir di daera Siria dekat kota Fenisia. Dia pe ana parampuang ada kemasukan setang. Bagitu ibu itu dapa dengar Yesus datang, dia langsung pigi kong berlutut pa Yesus pe muka. Turus dia bamohon pa Yesus la Yesus user setang yang maso pa dia pe ana.

Lukas 1:19

Kong malaekat bilang pa dia, “Kita ini Gabriel yang salalu ada deng Tuhan Allah untuk layani pa Dia. Dia utus pa kita untuk bilang kabar yang bae ini pa ngana.

Lukas 24:44

Kong Dia bilang pa dorang, “Kita bilang ini pa ngoni waktu Kita masi sama-sama deng ngoni: samua yang tatulis tentang Kita di lima kitab Musa, nabi-nabi laeng pe kitab, deng kitab Mazmur, samua itu musti mo jadi.”

Yohanes 5:39

Ngoni ini ada balajar bae-bae Kitab Suci, karna ngoni pikir, deng balajar bae-bae bagitu, ngoni mo dapa hidup deng Tuhan Allah slama-lamanya. Padahal di Kitab Suci itu suda ada kase tau tentang Kita mo datang.

Kisah Para Rasul 10:43

Dulu, samua nabi so perna kase tau Tuhan Allah pe pasáng yang bilang, Yesus mo datang. Dorang bilang kalu orang percaya pa Dia, orang itu pe dosa-dosa pasti mo dapa ampun karna Yesus pe kuasa.”

Kisah Para Rasul 13:27

Tapi waktu Yesus datang, torang pe tamang-tamang orang Israel yang tinggal di Yerusalem deng dong pe pemimpin-pemimpin tara mangarti sapa Dia. Dorang tara mangarti pasáng yang Tuhan Allah bilang dari dulu pake Dia pe nabi-nabi tentang Orang yang Tuhan Allah janji la mo kase slamat pa torang. Padahal, kata-kata ini yang torang baca tiap hari Sabat. Kong karna dorang tara mangarti, dorang hukum mati pa Dia. Tapi deng dong hukum mati pa Dia, apa yang Tuhan Allah bilang pa nabi-nabi dulu di Kitab Suci itu, so jadi.

2 Korintus 8:7

Ngoni so bagus skali suda dalam hal-hal ini: ngoni pe percaya so kuat, ngoni so bisa bicara di muka umum, ngoni so tau banya tentang Tuhan, ngoni so bantu orang deng sunggu-sunggu, deng ngoni lagi so sayang skali pa torang. Jadi, ngoni musti lebe bagus lagi bakase doi sumbangan pa orang-orang susa.

Efesus 5:15

Jadi perhatikan bae-bae ngoni pe cara hidup, jang jadi sama deng orang yang tara tau apa-apa. Tapi ngoni musti hidup sama deng orang yang tau mana yang bae deng mana yang jahat.

Efesus 5:33

Jadi bagini: laki musti sayang dia pe bini sama deng dia sayang pa dia pe diri sandiri. Bagitu lagi deng bini, bini musti hormati dia pe laki.

Filipi 3:3

Ngoni musti ati-ati deng dorang, karna bukang dorang, tapi torang ini suda yang jadi Tuhan Allah pe umat, torang yang semba pa Dia pake Dia pe Roh pe kuasa yang ada di torang pe hati. Torang sama skali tara percaya sama deng dorang yang pikir kata, dorang bole jadi orang yang butul pa Tuhan Allah pe muka karna apa yang manusia biking, macam deng sunat itu. Tapi torang puji pa Kristus Yesus saja, barang cuma karna Dia, torang bole slamat.

1 Tesalonika 5:15

Perhatikan bae-bae, jang sampe ada orang yang balas orang pe jahat deng yang jahat. Tapi ngoni musti salalu berusaha biking yang bae di antara ngoni sandiri deng samua orang.

Ibrani 1:14

Jadi, malaekat-malaekat tara lebe hebat dari Yesus to, karna dorang itu roh-roh yang biking apa yang Tuhan Allah suru. Tuhan Allah utus pa dorang untuk layani pa orang-orang yang mo dapa slamat dari dosa-dosa.

Ibrani 12:25

Jadi, ngoni musti dengar bae-bae pa Tuhan Allah yang bicara pa ngoni, jang ngoni tolak pa Dia. Barang, dulu-dulu itu, orang-orang Israel tara peduli deng Tuhan Allah pe kata-kata yang nabi Musa bilang pa dorang di dunia, jadi dorang dapa hukum. Apalagi deng torang ini, torang pasti tara akan bebas dari Tuhan Allah pe hukuman kalu torang tara mau dengar Tuhan Allah yang dari sorga pe bicara.

1 Yohanes 5:10

Sapa saja yang percaya pa Anak Allah, di dia pe hati dia so tarima apa yang Tuhan Allah so kase tau tentang Dia pe Anak. Tapi sapa saja yang tara percaya pa Tuhan Allah, dia biking Tuhan Allah sama deng pangbafoya, barang dia tara percaya apa yang Tuhan Allah so kase tau tentang Dia pe Anak.

1 Yohanes 5:21

Ee ngoni yang kita so sayang sama deng kita pe ana-ana, ngoni musti ati-ati, jang sampe ngoni semba pa apa yang bukang Tuhan.

Wahyu 1:1

Kitab ini pe isi tentang apa yang Tuhan Allah kase tunju pa Yesus Kristus, turus Yesus Kristus kase tunju pa orang-orang yang jaga biking apa yang Dia suru supaya dorang bole tau apa yang so tara lama lagi mo jadi. Kong Yesus Kristus suru Dia pe malaekat kase tunju itu samua pa kita.

Wahyu 1:9

Kita Yohanes, ngoni pe sudara yang sama-sama dapa siksa karna percaya pa Yesus. Torang sama-sama percaya pa Yesus yang Berkuasa sebagai Raja pa torang pe hidup, deng biar dapa siksa, torang tahang mangada siksa itu. Kong kita ini dapa buang di pulo yang pe nama Patmos, karna kita kase tau Tuhan Allah pe firman deng kase tau Yesus pe pasáng pa orang-orang.

Wahyu 12:11

Torang pe sudara-sudara yang percaya so menang, dorang so kase kala pa Iblis. Dorang so kase kala pa dia, karna Anak Domba pe dara so tatumpa untuk tebus dorang pe dosa-dosa. Dorang me kase kala pa dia, karna dong tara berenti mangaku tentang Anak Domba yang jadi dong pe Tuhan. Biar pa dorang pe hidup dorang dapa siksa atau dapa bunu, dong tara mundur, dong tetap kase tau itu turus.

Wahyu 12:17

Abis itu, naga itu jadi mara skali pa parampuang itu. Karna itu, dia pigi baku prang deng parampuang itu pe turunan yang laeng. Turunan itu orang-orang yang iko Tuhan Allah pe parenta deng mangaku dorang itu Tuhan Yesus pe umat.

Wahyu 14:7

Malaekat itu bicara kuat-kuat bagini, “Ngoni musti tako pa Tuhan Allah kong puji deng hormat pa Dia! Karna dia pe waktu so sampe, Dia mo adili samua orang deng kase hukum pa dorang yang tara iko pa Dia. Semba suda pa Dia! Dia yang biking langit, bumi, laut deng samua mata aer.”

Wahyu 15:4

Samua orang pasti akan tako pa Tuhan, kong puji deng hormat Tuhan pe nama. Barang cuma Tuhan saja yang kudus. Samua suku mo datang kong berlutut untuk semba pa Tuhan. Karna samua orang so lia apa yang Tuhan biking itu butul.”

Wahyu 19:9

Turus malaekat itu bilang pa kita bagini, “Yohanes, tulis kata-kata ini: orang-orang yang dapa undang iko Anak Domba pe pesta kawing, dorang itu paling sanang suda.” Malaekat itu bilang lagi pa kita, “Kata-kata ini dari Tuhan Allah, jadi samua itu butul.”

Wahyu 4:10

dua pulu ampa pemimpin itu berlutut semba pa Dia yang dudu di kursi raja itu. Dia itu yang hidup slama-lamanya. Kong waktu itu, dorang buka dong pe makota, turus dorang taru di muka kursi raja itu deng bilang bagini,