Wahyu 18:8 - Perjanjian Baru Bahasa Melayu Maluku Utara

⁸ Karna dong talalu makang puji bagitu, jadi dorang akan dapa cilaka yang jadi hukuman pa dong pe diri. Dalam satu hari saja, dorang dapa saki barát, kelaparan, deng dorang mamanangis karna talalu sengsara. Dorang me akan mati deng api yang kase angus pa dorang. Hukuman yang dong tarima itu dari Tuhan Allah, Dia itu Tuhan yang kuat.”

Wahyu 18:8 ပူးပေါင်းရင်းမြစ်များ

1 Korintus 10:22

Kalu ngoni ambe bagian untuk semba pa puji-puji itu, ngoni biking Tuhan mara. Atau jang sampe ngoni pikir ngoni pe kuasa lebe kuat dari Tuhan, kong Tuhan tara mo hukum pa ngoni.

Wahyu 11:17

Dorang bilang, “Puji sukur pa Tuhan Allah Yang Paling Berkuasa! Dia yang ada dari dulu sampe skarang. Torang bilang tarimakasi banya karna Dia pe kuasa basar, deng karna Dia so mulai berkuasa sebagai Raja.

Wahyu 17:16

Raja spulu yang ngana so lia sama deng tandu spulu itu, deng lagi binatang jahat itu akan binci pa parampuang tara bae itu. Dorang akan rampas samua yang parampuang itu punya kong kase talanjang pa dia. Nanti dong akan makang dia pe badan, kong bakar pa dia di api.

Wahyu 17:18

Parampuang yang ngana lia itu, dia itu suda kota Babel yang basar yang berkuasa pa samua raja di bumi.”

Wahyu 18:17

Tapi kasiang, cuma deng satu jam saja, samua dong pe kekayaan itu langsung abis.” Kong, kapten-kapten kapal, ana-ana bua kapal, penumpang-penumpang, deng samua orang yang dong pe tampa mancari di laut, tara barani badekat, dong cuma barani lia-lia dari jao saja.

Wahyu 18:19

Dorang ambur abu di dong pe kapala, tanda dong sedi, deng manangis deng badodora untuk kota Babel. Dorang bilang deng suara yang kuat bagini, “Ado, kasiang Babel e, dapa cilaka basar! Dari kota ini samua orang yang punya kapal jadi kaya. Tapi kasiang, cuma deng satu jam saja, samua dia pe kekayaan langsung abis.”

Wahyu 19:3

Abis itu, dong bicara kuat lagi bagini, “Haleluya, puji pa Tuhan Allah! Karna api yang kase angus kota itu pe asap nae turus tara abis-abis!”