Wahyu 17:6 - Perjanjian Baru Bahasa Melayu Maluku Utara

⁶ Kita lia parampuang tara bae itu mabo karna dia minum dara dari orang-orang yang so jadi Tuhan Allah pe umat, deng dara dari orang-orang yang mati karna kase tau tentang Tuhan Yesus. Waktu kita lia itu, kita herang skali.

Wahyu 17:6 ပူးပေါင်းရင်းမြစ်များ

Yohanes 2:10

kong bilang pa dia, “Biasa kalu orang biking pesta, dorang kase anggur yang paling bagus kamuka. Nanti kalu tamu so puas minum, baru kase kaluar anggur biasa. Tapi yang ngana biking ini laeng. Nanti so terahir baru ngana kase kaluar anggur yang paling bagus ini.”

Kisah Para Rasul 22:20

Dorang me tau lagi, waktu dorang kase mati pa Stefanus, Tuhan pe saksi, kita ada di situ kong kita me setuju deng yang dorang biking itu. Kita lagi yang jaga dorang pe baju waktu dorang bunu pa Stefanus.’

Wahyu 12:11

Torang pe sudara-sudara yang percaya so menang, dorang so kase kala pa Iblis. Dorang so kase kala pa dia, karna Anak Domba pe dara so tatumpa untuk tebus dorang pe dosa-dosa. Dorang me kase kala pa dia, karna dong tara berenti mangaku tentang Anak Domba yang jadi dong pe Tuhan. Biar pa dorang pe hidup dorang dapa siksa atau dapa bunu, dong tara mundur, dong tetap kase tau itu turus.

Wahyu 13:15

Kong binatang yang kedua itu dapa kuasa untuk kase banapas pa binatang pertama pe patong la dia hidup. Deng bagitu patong yang so hidup itu bole bicara kong bunu pa orang-orang yang tara semba pa dia.

Wahyu 13:7

Tuhan Allah kase ijin pa dia lagi untuk baku prang lawan pa orang-orang yang so jadi Tuhan Allah pe umat, kong kase kala pa dorang. Dia me dapa hak untuk berkuasa pa samua orang dari samua fam, suku bangsa, bahasa deng samua bangsa.

Wahyu 16:6

Barang, orang-orang jahat so bunu pa orang-orang yang so jadi Tuhan Allah pe umat, deng pa nabi-nabi yang kase turus Tuhan Allah pe pasáng, sampe dong pe dara me tatumpa. Jadi Tuhan Allah biking samua aer jadi dara, kong orang-orang jahat itu cuma bisa minum aer yang so jadi dara itu. Itu hukuman yang paling pas untuk orang-orang jahat itu.”

Wahyu 2:13

Kita tau ngoni pe tampa tinggal. Ngoni tinggal di kota Pergamus, memang kota yang Iblis, setang-setang pe raja pe tampa berkuasa. Tapi biar bagitu, ngoni percaya turus pa Kita. Tempo hari, ada orang yang dia pe nama Antipas, Kita pe saksi yang setia, dia kase tau Tuhan Allah pe pasáng, kong dong bunu pa dia. Tapi biar dorang bunu pa dia di ngoni pe tenga-tenga, ngoni percaya turus pa Kita, ngoni tara manyangkal pa Kita.