Wahyu 17:16 - Perjanjian Baru Bahasa Melayu Maluku Utara

¹⁶ Raja spulu yang ngana so lia sama deng tandu spulu itu, deng lagi binatang jahat itu akan binci pa parampuang tara bae itu. Dorang akan rampas samua yang parampuang itu punya kong kase talanjang pa dia. Nanti dong akan makang dia pe badan, kong bakar pa dia di api.

Wahyu 17:16 ပူးပေါင်းရင်းမြစ်များ

Wahyu 12:3

Turus kita dapa lia tanda satu lagi di langit: ada naga basar satu warna mera. Naga itu pe kapala tuju, deng dia pe tandu spulu. Masing-masing di dia pe kapala itu ada makota.

Wahyu 16:12

Abis itu, malaekat yang keanam buang mangko yang dia pegang itu pe isi di kali Efrat, kali yang basar itu, kong aer di kali itu jadi kiring. Deng bagitu, raja-raja dari sabla timur, dorang bole datang deng dong pe tentara, bajalang iko kali yang so kiring itu.

Wahyu 17:10

Tuju kapala itu pe arti, tuju raja. Lima dari dorang so bukang raja lagi. Satu sementara berkuasa jadi raja deng satu lagi nanti akan jadi raja. Tapi dia berkuasa tara lama.

Wahyu 18:19

Dorang ambur abu di dong pe kapala, tanda dong sedi, deng manangis deng badodora untuk kota Babel. Dorang bilang deng suara yang kuat bagini, “Ado, kasiang Babel e, dapa cilaka basar! Dari kota ini samua orang yang punya kapal jadi kaya. Tapi kasiang, cuma deng satu jam saja, samua dia pe kekayaan langsung abis.”

Wahyu 18:8

Karna dong talalu makang puji bagitu, jadi dorang akan dapa cilaka yang jadi hukuman pa dong pe diri. Dalam satu hari saja, dorang dapa saki barát, kelaparan, deng dorang mamanangis karna talalu sengsara. Dorang me akan mati deng api yang kase angus pa dorang. Hukuman yang dong tarima itu dari Tuhan Allah, Dia itu Tuhan yang kuat.”

Wahyu 19:18

Mari ngoni makang daging dari samua yang mati dalam prang ini: raja-raja, panglima prang, tentara-tentara, orang-orang yang nae kuda deng dong pe kuda, orang bebas, orang karja yang dia pe tuang so bili, biar itu orang biasa, atau orang penting.”