Wahyu 16:9 - Perjanjian Baru Bahasa Melayu Maluku Utara

⁹ Sinar matahari yang panas skali itu biking sampe manusia pe kuli angus. Tapi, biar bagitu, dorang tetap tara mau bertobat deng dorang tara mau puji deng hormat pa Tuhan Allah. Kong lebe soe lagi, dorang kase tara bae Tuhan Allah pe nama yang ada kuasa biking cilaka-cilaka itu.

Wahyu 16:9 ပူးပေါင်းရင်းမြစ်များ

Lukas 13:3

Tarada! Tapi Kita bilang pa ngoni e: kalu ngoni tara bertobat dari ngoni pe dosa-dosa, ngoni samua me akan mati sama deng dorang.

Lukas 13:5

Tarada! Tapi Kita bilang lagi pa ngoni, kalu ngoni tara bertobat, ngoni samua me akan mati sama deng dorang.”

2 Korintus 12:21

Kita hawater, kalu kita datang itu, kita dapa ngoni masi biking dosa sama deng dulu, kong ngoni bolong bertobat. Kalu bagitu, kita jadi malu pa Tuhan Allah pe muka, kong kita mo manangis karna banya dari ngoni yang pe kalakuang masi cafarune, yang baseks sabarang, deng yang masi biking hal-hal yang tara pantas untuk mo biking.

Wahyu 11:13

Waktu itu suda, ada tana goyang pe kuat skali. Kalu mo bagi kota itu dalam spulu bagian, satu bagian yang ancor. Deng tuju ribu orang mati karna tana goyang itu. Orang-orang yang tara mati karna tana goyang itu, dorang jadi tako skali kong dorang puji deng hormat pa Tuhan Allah yang di sorga.

Wahyu 14:7

Malaekat itu bicara kuat-kuat bagini, “Ngoni musti tako pa Tuhan Allah kong puji deng hormat pa Dia! Karna dia pe waktu so sampe, Dia mo adili samua orang deng kase hukum pa dorang yang tara iko pa Dia. Semba suda pa Dia! Dia yang biking langit, bumi, laut deng samua mata aer.”

Wahyu 16:21

Turus ujang es yang basar-basar jatu dari langit kanal pa orang-orang di bumi. Satu gumpal es itu dia pe barát kira-kira lima pulu kilo. Ujang es itu biking manusia sengsara skali, jadi dong kase tara bae Tuhan Allah pe nama.

Wahyu 2:21

Kita so kase waktu untuk parampuang itu babarapa kali la dia bertobat, tapi dia tara mau kong dia baseks sabarang turus.

Wahyu 9:20

Tapi manusia yang laeng, yang tara mati deng cilaka-cilaka itu, dorang tetap tara mau bertobat dari dong pe kajahatan. Dorang tara berenti semba pa setang-setang deng pa dong pe puji-puji dari mas, perak, tembaga, batu deng kayu. Padahal samua puji-puji itu tara bisa lia, tara bisa dengar deng tara bisa bajalang.