Wahyu 16:1 - Perjanjian Baru Bahasa Melayu Maluku Utara

¹ Abis itu, kita dengar suara yang kuat dari Tuhan Allah pe Ruma di sorga. Suara itu bilang pa tuju malaekat itu bagini, “Mangko tuju yang ngoni pegang itu, dia pe isi Tuhan Allah pe mara, pigi suda kong buang dia pe isi itu di bumi!”

Wahyu 16:1 ပူးပေါင်းရင်းမြစ်များ

Wahyu 11:19

Abis itu, kita dapa lia Tuhan Allah pe Ruma di sorga tabuka, kong di dalam itu kita dapa lia Tuhan Allah pe Kotak Perjanjian. Turus ada kilat deng guntur babunyi, tana goyang yang kuat, deng ujang es yang karas skali.

Wahyu 14:15

Turus kita lia ada malaekat satu yang laeng yang kaluar dari Tuhan Allah pe Ruma. Malaekat itu bicara kuat skali pa Dia yang dudu di atas awan itu bagini, “Pake parang sabit itu la mulai bapete suda, karna musim bapanen so sampe deng hasil-hasil di bumi so siap untuk panen.”

Wahyu 14:18

Turus, malaekat satu lagi kaluar dari dekat tampa bakar korban persembahan. Dia itu yang dapa tugas untuk jaga api di situ. Kong dia bicara kuat-kuat pa malaekat yang pegang parang sabit yang tajam itu bagini, “Angka ngana pe parang sabit itu la ka sana panen bua-bua anggur yang ada di bumi, karna bua-bua itu so masa.”

Wahyu 15:1

Kong kita lia ada tanda laeng lagi di sorga yang luar biasa yang biking orang herang. Ada malaekat tuju, masing-masing ada kuasa untuk biking cilaka. Cilaka-cilaka yang dorang biking itu, tuju cilaka terahir di dunia. Kong kalu tuju cilaka itu so jadi, Tuhan Allah pe mara pa manusia di dunia ini so abis suda.

Wahyu 16:17

Abis itu, malaekat yang ketuju buang mangko yang dia pegang itu pe isi di udara. Kong dapa dengar suara dari kursi raja yang ada di dalam Tuhan Allah pe Ruma di sorga, yang bilang bagini, “Samua Kita pe hukuman ini so abis, Kita so tara mara lagi.”