Wahyu 15:5 - Perjanjian Baru Bahasa Melayu Maluku Utara

⁵ Abis itu, kita lia Tuhan Allah pe Ruma di sorga, kong Tuhan Allah pe Ruang Paling Suci di dalam itu tabuka.

Wahyu 15:5 ပူးပေါင်းရင်းမြစ်များ

Matius 27:51

Di dalam Ruma Ibada Pusat ada kaeng pampele basar yang ada gantong untuk kase pele Ruang Paling Suci la orang biasa tara bole maso. Pas Yesus mati, kaeng itu tarobe jadi dua dari atas sampe ka bawa. Kong itu baku iko deng tana goyang yang kuat skali sampe gunung-gunung batu me tabala.

Ibrani 8:5

Imam-imam pe tugas yang dong biking di Tuhan Allah pe Tenda Ibada di dunia itu cuma gambaran atau conto saja deng apa yang mo jadi di sorga nanti. Jadi itu sama deng dulu, waktu nabi Musa mo biking Tenda Ibada itu, Tuhan Allah bilang pa dia, “Inga e! Ngana biking Tenda itu sama persis deng yang Kita so kase tunju pa ngana di atas gunung.”

Wahyu 11:19

Abis itu, kita dapa lia Tuhan Allah pe Ruma di sorga tabuka, kong di dalam itu kita dapa lia Tuhan Allah pe Kotak Perjanjian. Turus ada kilat deng guntur babunyi, tana goyang yang kuat, deng ujang es yang karas skali.

Wahyu 13:6

Binatang itu hina-hina pa Tuhan Allah, dia kase tara bae Tuhan Allah pe nama. Dia me pandang enteng sorga, tampa yang Tuhan Allah tinggal, deng samua yang ada di sorga.