Wahyu 14:15 - Perjanjian Baru Bahasa Melayu Maluku Utara

¹⁵ Turus kita lia ada malaekat satu yang laeng yang kaluar dari Tuhan Allah pe Ruma. Malaekat itu bicara kuat skali pa Dia yang dudu di atas awan itu bagini, “Pake parang sabit itu la mulai bapete suda, karna musim bapanen so sampe deng hasil-hasil di bumi so siap untuk panen.”

Wahyu 14:15 ပူးပေါင်းရင်းမြစ်များ

Matius 13:30

Jadi lebe bae, kase biar suda gandum itu batumbu sama-sama deng kusu-kusu sampe dia pe waktu bapete. Nanti Kita mo suru pa orang-orang yang bapete kumpul kamuka dulu kusu-kusu la ika satu-satu ika, baru bakar. Abis itu baru dorang kumpul gandum itu kong simpang di kita pe lumbung.’ ”

Matius 13:39

Kong musu yang ambur bibit kusu-kusu itu, Iblis. Turus, waktu bapete itu, hari kiamat, hari yang Tuhan mo adili pa samua orang. Kong orang-orang yang bapete itu, itu malaekat-malaekat yang turung dari sorga.

Matius 23:32

Jadi lebe bae, ngoni biking barang yang jahat saja turus, iko ngoni pe orang tua dulu-dulu pe kalakuang yang sala itu!

Markus 4:29

Kalu dia pe bua itu so masa, orang itu langsung potong, barang so dia pe waktu mo bapete.”

1 Tesalonika 2:16

Dorang itu yang berusaha supaya torang jang kase tau Kabar Bae pa orang-orang yang bukang Yahudi. Dorang tara mau orang tarima Kabar Bae supaya slamat. Deng bagitu dorang pe dosa lebe tatamba banya, sampe satu waktu yang Tuhan Allah bilang so cukup suda dong pe dosa. Di situ baru dorang dapa hukum yang barát dari Tuhan Allah.

Wahyu 11:19

Abis itu, kita dapa lia Tuhan Allah pe Ruma di sorga tabuka, kong di dalam itu kita dapa lia Tuhan Allah pe Kotak Perjanjian. Turus ada kilat deng guntur babunyi, tana goyang yang kuat, deng ujang es yang karas skali.

Wahyu 13:12

Binatang itu, dia pake binatang pertama pe kuasa samua pa dia pe muka. Dia biking samua orang di bumi semba pa binatang yang pertama itu, binatang yang ada luka barát tapi so sembu.

Wahyu 14:14

Abis itu, kita lia ada awan puti satu gumpal. Kong ada satu orang dudu di atas awan itu. Orang itu sama deng Anak Manusia yang dari sorga. Pa Dia pe kapala ada pake makota mas, deng Dia ada pegang parang sabit satu yang tajam.

Wahyu 14:16

Jadi Dia yang dudu di atas awan itu, angka Dia pe parang sabit di bumi untuk bapanen, kong ambe dia pe hasil-hasil.

Wahyu 14:17

Abis itu, ada malaekat satu lagi yang kaluar dari Tuhan Allah pe Ruma yang di sorga. Dia me ada pegang parang sabit satu yang tajam.

Wahyu 14:18

Turus, malaekat satu lagi kaluar dari dekat tampa bakar korban persembahan. Dia itu yang dapa tugas untuk jaga api di situ. Kong dia bicara kuat-kuat pa malaekat yang pegang parang sabit yang tajam itu bagini, “Angka ngana pe parang sabit itu la ka sana panen bua-bua anggur yang ada di bumi, karna bua-bua itu so masa.”

Wahyu 15:6

Turus, malaekat tuju yang ada kuasa untuk biking tuju cilaka itu kaluar dari Ruang Paling Suci itu. Dorang samua ada pake baju puti bersi deng mangkilat. Di dorang pe dada masing-masing ada salempang mas.

Wahyu 16:17

Abis itu, malaekat yang ketuju buang mangko yang dia pegang itu pe isi di udara. Kong dapa dengar suara dari kursi raja yang ada di dalam Tuhan Allah pe Ruma di sorga, yang bilang bagini, “Samua Kita pe hukuman ini so abis, Kita so tara mara lagi.”

Wahyu 6:10

Kong jiwa-jiwa itu bicara kuat-kuat bagini, “Tuhan, Tuhan itu yang suci deng yang butul! Barapa lama lagi baru Tuhan adili pa orang-orang di dunia deng mo hukum pa orang-orang yang bunu pa torang?”