Wahyu 13:3 - Perjanjian Baru Bahasa Melayu Maluku Utara

³ Di binatang itu pe kapala satu, ada bakas luka. Luka itu bisa kase mati pa dia, tapi luka itu so sembu. Karna itu, samua orang di dunia herang skali lia pa binatang itu, kong iko pa dia.

Wahyu 13:3 ပူးပေါင်းရင်းမြစ်များ

Lukas 2:1

Waktu itu, ada raja basar Roma, dia pe nama Agustus. Dia kase kaluar parenta pa samua daera di dunia yang dia kuasai, supaya kase daftar samua orang pe nama.

Yohanes 12:19

Kong orang-orang Yahudi dari aliran Farisi baku bilang, “Ado, tong pe usaha untuk kase berenti pa Dia tara berhasil. Coba ngoni lia saja, banya skali orang di dunia so datang iko pa Dia.”

Kisah Para Rasul 8:13

Simon me jadi percaya kong dapa baptis. Abis itu, Simon salalu iko pa Filipus di mana saja Filipus pigi. Dia lia Filipus biking mujizat-mujizat deng tanda-tanda yang kase tunju Tuhan Allah pe kuasa, kong dia taherang-herang.

Wahyu 13:12

Binatang itu, dia pake binatang pertama pe kuasa samua pa dia pe muka. Dia biking samua orang di bumi semba pa binatang yang pertama itu, binatang yang ada luka barát tapi so sembu.

Wahyu 13:14

Dia biking tanda-tanda itu di binatang pertama pe muka, sampe dia kase sesat orang-orang di bumi. Dia me suru dorang biking patong satu sama deng binatang yang pertama, binatang yang ada luka barát tapi so sembu itu.

Wahyu 17:10

Tuju kapala itu pe arti, tuju raja. Lima dari dorang so bukang raja lagi. Satu sementara berkuasa jadi raja deng satu lagi nanti akan jadi raja. Tapi dia berkuasa tara lama.

Wahyu 17:11

Kong binatang jahat yang so perna ada itu kong so tarada lagi, dia itu satu dari tuju raja itu. Dia akan muncul ulang dari tampa tahang setang-setang. Dia mo jadi raja yang kedelapan, tapi tara lama dia akan mati slama-lamanya.

Wahyu 17:13

Dorang samua satu hati untuk kase dong pe kekuatan deng kuasa itu pa binatang jahat itu.

Wahyu 17:17

Barang, Tuhan Allah yang biking sampe raja-raja itu satu hati kase dong pe kuasa untuk binatang jahat. Itu Tuhan Allah pe rencana. Kong deng jalang bagitu, apa yang Tuhan Allah so bilang dulu, akan jadi.

Wahyu 17:6

Kita lia parampuang tara bae itu mabo karna dia minum dara dari orang-orang yang so jadi Tuhan Allah pe umat, deng dara dari orang-orang yang mati karna kase tau tentang Tuhan Yesus. Waktu kita lia itu, kita herang skali.

Wahyu 17:8

Binatang jahat yang ngana lia tadi itu, dulu so perna ada, tapi dia so tarada lagi. Nanti dia akan muncul dari jurang maut, tampa tahang setang-setang, turus dia mo mati slama-lamanya. Kong orang-orang yang tinggal di dunia akan herang waktu lia binatang itu. Dorang yang herang itu yang pe nama tara tatulis di buku kehidupan waktu Tuhan Allah bolong biking dunia ini. Dorang akan herang kalu dong lia, binatang itu dulu ada, skarang so tarada, tapi nanti akan datang ulang.