Wahyu 13:17 - Perjanjian Baru Bahasa Melayu Maluku Utara

¹⁷ Kalu orang tara dapa cap itu, dorang tara bole bajual atau babili apa-apa. Di cap itu ada tatulis binatang pertama pe nama, deng dia pe nomor.

Wahyu 13:17 ပူးပေါင်းရင်းမြစ်များ

Galatia 6:17

Kita minta supaya mulai dari skarang, jang ada orang yang cari hal lagi deng kita. Barang, masi ada bakas-bakas luka pa kita pe badan, karna waktu kita kase tau tentang Yesus Kristus, ada orang-orang yang siksa pa kita. Itu samua tanda-tanda, kita ini Yesus Kristus pe umat.

Wahyu 13:16

Binatang yang kedua me suru samua orang la tarima cap di dong pe tangan kanan atau testa. Orang yang dapa cap itu: orang biasa deng orang penting, orang miskin deng orang kaya, orang karja yang dia pe tuang so bili, deng orang yang bebas.

Wahyu 13:18

Jadi yang paling penting di sini, orang musti pikir bae-bae nomor itu. Sapa yang bijaksana, lebe bae dia rekeng bae-bae binatang itu pe nomor la tau dia pe arti, karna nomor itu, satu orang pe nomor. Nomor itu 666.

Wahyu 14:11

Api pe asap yang siksa pa dorang itu akan ada sampe slama-lamanya. Dorang yang jaga semba pa binatang jahat deng dia pe patong, deng sapa saja yang tarima cap yang ada binatang itu pe nama, dorang itu dapa siksa tara berenti-berenti.”

Wahyu 14:9

Turus, ada malaekat laeng lagi yang ketiga. Malaekat itu iko dari balakang pa dua malaekat yang so kamuka. Malaekat ketiga itu bicara kuat-kuat bilang bagini, “Sapa saja yang semba pa binatang jahat itu, deng pa binatang itu pe patong, deng sapa saja yang so tarima binatang jahat pe cap di dia pe testa deng tangan,

Wahyu 15:2

Turus, kita lia ada satu barang yang luas sama deng laut, dia pe jerni sama deng kaca yang kanal deng cahaya api. Kong ada banya orang yang badiri di dia pe pinggir. Dorang yang badiri itu orang-orang yang so kase kala pa binatang jahat, karna dorang tara semba dia pe patong deng tara tarima nomor dari binatang jahat itu. Dorang samua itu ada pegang Tuhan Allah pe alat musik kecapi.

Wahyu 17:5

Di parampuang itu pe testa ada tatulis nama satu yang pe arti orang bolong tau. Tulisan itu pe isi bagini, “Kita ini Babel, kota yang paling hebat suda! Kita ini samua parampuang tara bae pe mama, deng samua kalakuang yang jahat di bumi, pe asal dari kita.”

Wahyu 20:4

Turus kita lia ada kursi-kursi raja. Orang-orang yang dudu di kursi raja itu, orang-orang yang dapa kuasa untuk adili pa manusia. Kita me lia roh-roh dari orang-orang yang dulu dapa potong kapala kong mati karna dorang kase tau tentang Yesus deng Tuhan Allah pe firman. Orang-orang itu tara perna semba pa binatang jahat deng dia pe patong, jadi dorang me tara perna dapa binatang itu pe cap di dong pe testa deng di dong pe tangan. Tuhan Allah kase hidup ulang pa dorang, turus dong berkuasa sebagai raja sama-sama deng Yesus Kristus selama saribu taong.

Wahyu 22:4

Dorang samua akan dapa lia Tuhan Allah pe muka, deng Dia pe nama akan tatulis di dong pe testa.

Wahyu 3:12

Sapa yang menang dari pengaru jahat, Kita akan biking dong tinggal di Tuhan Allah pe Ruma di sorga slama-lamanya. Sama deng satu tiang yang kuat skali di ruma yang biking ruma tetap kuat, tarada satu yang bisa kase kaluar pa dorang lagi. Pa dorang pe badan, Kita akan tulis Tuhan Allah pe nama. Kong Kita mo tulis pa dong lagi Tuhan Allah pe kota pe nama, kota Yerusalem Baru. Kota itu Tuhan Allah akan kase turung dari sorga. Turus Kita mo tulis lagi pa dorang itu Kita pe nama baru.

Wahyu 7:3

“Tunggu dulu, jang dulu ngoni kase rusak darat, laut atau pohong-pohong! Torang mo kase cap pa orang-orang yang jaga biking apa yang Tuhan Allah suru. Cap itu torang kase di dorang pe testa la jadi tanda supaya dorang tara dapa cilaka.”